تورکییه‌لی مشهور موغه‌ننیلر بولند ارسوی و ائمئل سایین آراسین‌دا اولان ۳۵ ایللیک داوا یئنی‌دن گون‌ده‌مه گلیب.

آخار. آز خبر وئریر کی، ائمئل سایینین کونسئرتی زامانی دینلییجی‌سی اونا ایشاره ائد‌رک، «باخین، اصل دیوا بودور»، - دئییب. موغه‌ننی بونا جاواب اولاراق «دیوانین ساختاسی دا اولور؟» دئییب و داها سونرا سؤزلرینین یوزولماماسینی، ظارافات ائتدیینی بیلدیریب.

بو حاق‌دا مطبوعاتا آچیقلاما وئره‌ن بولند ارسوی قارشی طرفی تنقید ائدیب:

«گویا ظارافات ائدیرمیش! ایللر اول منیم حاقیم‌دا دئدیی سؤزلر ده ظارافات ایدی؟ اؤزونو ناغیل شاه‌زاده‌سی حساب ائدیر. حاقیم‌دا دایانمادان دانیشان، قالماقال یارادان اودور، من دئییله‌م».

قئید ائدک کی، ایکی موغه‌ننی آراسین‌داکی داوا ۳۵ ایل اول ائمئل سایینین «بولند ارسویون قادین پالتارلاری گئیینیب گزمکدن صنعتله مشغول اولماغا واختی قالماییب» سؤزلرین‌دن سونرا باشلامیش‌دی.