ننه‌مله ده آرامیزدا سویوقلوق اولوب، اما بو یاخینلاردا دانیشمیشام. گئدیش-گلیشیمیز یوخ‌دور، ایللردیر اوزونو گؤرموره‌م، اما تئلئفونلا دانیشیریق.

بو سؤزلری موغه‌ننی گونای ایبراهیم‌لی عائله‌سینین اونون صنعتینی قبول ائتمه‌مه‌سی حاقدا «گلین دانیشاق» وئریلیشینده دئییب. موغه‌ننی بو حاللارین اونا پیس تأثیر ائتدیینی بیلدیریب:

«ننه‌م منی چوخ ایسته ییر، اما صنعتیمی قبول ائتمیر. ائفیرده منیمله باغلی نسه پیس بیر شئی گؤره‌نده، زنگ ائدیب منی بی آبیر ائدیر. رحمتلیک بابامدا صنعتیمی قبول ائتمیردی. بیزه گلیردی، آنام گیله حیرصله‌نیردی کی، یئنه قیزین چیخیب ائفیره. سونرا ائله اولدو کی، بابام چوخ آغیر خسته‌لیک کئچیردی، اونون یانیندا تکجه من اولوردوم. شوو-پروگرامدان چیخیردیم، باباما یئمک آپاریردیم. آذربایجاندا مئنتالیتئت صحبتی وار. بابام ایسته ییردی کی، من عائیله قوروم. بیزیم صنعت‌ده ده عائیله قورماق بیر آز چتیندیر.

بیر ژورنالین اوز قابیغینا چیخمیشدیم. بابامین اؤلومونه بیر ساعت قالمیش همین ژورنالی گؤستردیم اونا. او، حیسس ائدیب کی، دونیاسینی دییشه‌جک، منی قوجاقلاییب اؤپدو، آغلادی، چونکی هئچ بیر اوغلو یانیندا دئییلدی. بابام منه دئدی کی، من بو صنعتی سنه حالال ائدیره‌م. او آنلار هله ده گؤزومون قاباغیندادیر».