صحتیم‌ده پروبلم یارانمیشدی، ایلکین معایینه زامانی قرار وئریلدی کی، تعجیلی عملیات اولونمالیدیر.

بونو آپا-یا شوومن، «ماشین شوو»نون آپاریجیسی مراد داداشوو دئییب. اونون سؤزلرینه گؤره، حاضردا صحتی ایله باغلی هر شئی قایداسیندادیر:

«مسئله بوراسیندادیر کی، ایونون ۱۱-دن ۱۲-ا کئچن گئجه حالیم پیسلشدی. سول آیاغیمدا بیر مدت ایدی کی، آغریلار وار ایدی. فیکیر وئرمیردیم. ائله بیلیردیم، آیاق قابی ناراحاتدیر. اما گؤردوم کی، آیاق قابی مسئله‌سی دئییل. سونونجو دفعه آیین ۱۱-ی ائفیره چیخدیم. همین گون جورابیمی بئله گئیینه بیلمدیم. آیاغیم چوخ شیشمیشدی. سحری گون حکیمله علاقه ساخلادیق. ائله بیلدیک، تراوماتولوژی، سوموکله باغلی پروبلمدیر. سن دئمه، اینفکسییا وارمیش، ایلتیهاب اولوب. دهشتلی آغریلاریم وار ایدی. شوکور آللها، بیر آز اؤزومه گلمیشم. اومید ائدیره‌م کی، گوجوم چاتاجاق و لاییحه‌نی اؤزوم بیتیره‌جیم. فورصتدن ایستیفاده ائدیب کمکیمه گلن همکارلاریما، دوستلاریما تشکر ائدیره‌م. بیلمیردیم کی، اینسانلارا بو قدر ماراقلییام. الله هامییا جان ساغلیغی وئرسین".