یوخاری

رؤیانین کئچمیش بیزنس اورتاغی حبس ائدیلدی

آنا صحیفه ماقازین
12 Punto 14 Punto 16 Punto 18 Punto
رؤیانین کئچمیش بیزنس اورتاغی حبس ائدیلدی

تانینمیش موغننی، امکدار آرتیست رؤیا آیخانین کئچمیش بیزنس اورتاغی حبس ائدیلیب.

رپورت-اون معلوماتینا گؤره، آیخانلا بیرگه ایشلمیش تانینمیش دیزاینر سبینه حوسینووا نسیمی رایون پولیس ایداره‌سینین امکداشلاری طرفیندن توتولوب.

بئله کی، س.حوسینووا دله دوزلوقدا اتهام ائدیلیر. اتهام آکتینا اساساً، س.حوسینووا وطنداش ایلقار بابایئوین ۸۶ مین دوللار، باشقا بیر شخصین ایسه کوللی میقداردا پولونو دله دوزلوق یولو ایله اله کئچیرمکده تقسیرلی بیلینیر. جینایت ایشینه باکی آغیر جینایتلر محکمه‌سینده باخیلیر. ایستینتاق دؤورونده س.حوسینووا باره‌سینده حبس قتیمکان تدبیری سئچیلمه‌ییب. بیر نئچه هفته اول س.حوسینووانین محکمه ایستینتاقی باشا چاتیب و دؤولت اتهامچیسی اونون ۱۰ ایل مدتینه آزادلیقدان محکوم ائدیلمه‌سینی ایسته‌ییب. داها سونرا س.حوسینووا نؤوبتی پروسسلره گلمه‌ییب و دئکابرین ۱-ده باکی آغیر جینایتلر محکمه‌سی اونون حبس ائدیلمه‌سینی و باره‌سینده پولیس طرفیندن آختاریش قراری چیخاریب.

توتولان س.حوسینووا باکی ایستینتاق تجریدخاناسینا کؤچورولوب.

قئید ائدک کی، امکدار آرتیست رؤیا بیر نئچه ایل بوندان اول س.حوسینووا ایله بیرگه مودا ائوی آچیب، بیزنس فعالیتی ایله مشغول اولوب. اؤتن آی ایسه س.حوسینووانین آدی دله دوزلوق عملینده کئچدیی اوچون رؤیا اونونلا ایش بیرلیینه سون قویدوغونو آچیقلاییب.

تاریخ
2017.12.11 / 20:06
مولف
Axar.az
دیگر خبرلر

تورک مشهورلارا قارشی عملیات: اونلار حبس ائدیلدی

تورکیه‌لی مشهور موغه‌ننی ایکینجی دفعه ائوله‌نیر

شیما سوباشی باره‌ده قرار وئریلدی

ترکیه‌ده ایر‌م و حادثه داخیل اولماقلا ۱۹ مشهور ساخلانیلدی

شعبانین بیره‌بیر اوخشاری تاپیلدی - ویدئو

مینا یایی باهالی کلیپی ایله یکونلاشدیردی - ویدئو

رونالدونون تویو: گؤرون نه قدر پول خرجله‌یه‌جک…

تورکییه‌لی آکتیورون اوزرینه آغاج آشدی – آن‌باان ویدئو

آللا پوقاچووا روسیا وطنداشلیغیندان امتنا ائتدی

آیگون کاظیمووا دینجلمه‌یه اونو دا اؤزو ایله آپاردی - ویدئو

خبر خطّی
Axar.az'da reklam Bağla
Reklam
Bize yazin Bağla