«ژارا-۲۰۱۸» بین الخالق موسیقی فستیوالی ایله باغلی حاضرلیق ایشلری سرعتله آپاریلیر. حاضردا قفیل کولک‌دن مدافعه مقصدیله مونتاژ ایشلری گؤرولور. ایشتیراکچیلارین سایینا گلدیک‌ده، دئمک اولار، روسییا ائستراداسینین بوتون اولدوزلاری باکییا توپلاشاجاق.

آخار. آذ خبر وئریر کی، بونو ژورنالیستلره آچیقلاماسیندا فئستیوالین تشکیلاتچیلارین‌دان بیری، تانینمیش موغننی و بسته کار ائمین دئییب.

«ژارا» بین الخالق موسیقی فئستیوالینا تخمیناً ۱۰۰۰ نفر موسیقیچی گله‌جک، چونکی هر بیر آرتیست اؤز کوللئکتیوینین موشاییتیله چیخیش ائد‌ه جک. هابئله قازاخیستان‌دان دا موسیقیچیلر گله‌جک. طبیعی کی، آذربایجاندان دا ایفاچیلار اولاجاق. هر ایل بیزیم آرتیستلریمیز چیخیش ائدیرلر و بو ایل ده بئله اولاجاق»، - دئیه ائمین بیلدیریب.

قئید ائدک کی، ایولون ۲۶-دان ۲۹-دک «سئا برئئزئ رسورت» استراحت مرکزینده کئچیریله‌جک فئستیوالین آچیلیش مراسیمینده موناتیک، قریقوری لئپس، آنی لوراک، لوبودا، ائمین، آ`ایستودیو، دیما بیلان، سئرگئی لازارئو، قلیوک’ اوزا، قرادوسی، نیوسها، ناستیا کامئنسکیخ، سلاوا، آلئکسئی چوماکوو، آرتیک & آستی، بلاجک ایستار، تیماتی، یئقور کرید، موت، خاننا، میشا ماروین و دیگر مشهور موسیقیچیلرین ایشتیراکی ایله قالا-کونسرت اولاجاق.

فئستیوالین پروگرامی حاقیندا معلومات وئرن ائمین دقته چاتدیریب کی، بویلکی «ژارا»دا اوچ یوبیلئی کونسرتی اولاجاق - والئرییا، ولادیمیر پرئسنیاکوو و لئونید آقوتینین یوبیلئی گئجه‌لری کئچیریله‌جک. هابئله لیوبوو اوسپئنسکایانین یارادیجیلیق گئجه‌سی اولاجاق. یوری آنتونووون دا یارادیجیلیق گئجه‌سی گؤزلنیلیر. هله کی او، ایشتیراکینی شیفاهی تصدیقله‌ییب. ائلجه ده ۵۵ یاشی تامام اولان والئری مئلادزئ اؤز کوللکتیوی ایله چیخیش ائد‌جک.

«ظننیمجه، باکیدا کئچیریله‌جک ۳-جو «ژارا» داها حکرارتلی اولاجاق. بیرینجی «ژارا» بیر نؤو سیناق اولسا دا، روسییانین بیرینجی کانالین‌دا رئیتینگ باخیمیندان چوخ یوکسک نتیجه گؤستردی. ۲-جی «ژارا» باشا چاتدیقدان سونرا، اؤتن ایل آوگوست آیینین اولینده بیز تشکیلاتچیلار - سئرگی کوژئونیکوو و قریقوری لئپس بیر یئره توپلاشدیق و بیرینجی کانالین نماینده‌لری ایله بیرگه «ژارا»نی نؤوبتی سوییه‌یه یوکسلتمک مسئله‌لرینی موذاکیره ائتدیک. بئله‌لیکله، قارشیمیزا وظیفه‌لر قویدوق. بو دفعه بیرینجی کانالدان ان آزی ۱۳ ائفیر الده ائتمه لییک. بو، دؤرد گونلوک فئستیوال‌دا ۱۲ موسیقی گئجه‌سی ائدیر کی، هر گون اوچ-اوچ بؤلونه‌جک. دعوشونورم کی، بو، کیفایت قدر مورکب وظیفه‌لردیر و بؤیوک پروداکشن، بؤیوک میقداردا ماتئریال، چوخسایلی ماهنیلار، یاخشی رپرتوار دئمک‌دیر. هابئله سیزین ایندیدک ائشیتمیش اولدوغونوز ماهنیلار یئنی آراژئماندا سسلندیریله‌جک»، - دئیه ائمین دقته چاتدیریب.

«ژارا» پوستسووئت مکانیندا چوخ آز سایدا اولان تدبیرلردن‌دیر

فئستیوال چرچیوه‌سینده فیلم چکیله جه یی باره‌ده معلومات وئرن ائمین دئییب:

«فیلمین شرطی آدی بئله‌دیر: «اودناژدی نا ژارئ» («بیر دفعه ژارادا»). بو فیلم‌ده هم پئشکار آکتیورلار، هم ده روسییا شوو-بیزنسینین نماینده‌لری ایشتیراک ائد‌جکلر. فیلم‌ده آیریجا خط وار کی، بورادا آذربایجان و روسییا آرتیستلری چکیله‌جکلر. اکران اثری «ژارا» فستیوالیندا سهنارخاسی حادثه‌لری تصویر ائد‌ن یای کینوکومدییاسی اولاجاق. بو، هم ده روسییا آرتیستلرینین هامیسینین چکیله جه یی ایلک فیلم اولاجاق. بئله‌لیکله، بیز چوخ سئرییالی یئنی بدیعی لاییحه الده ائده جه ییک کی، هر ایل بو لاییحه، البته کی، یئنی سوژتلرله تکرارلانا بیلر. فیلمین رژیسسورونون آدینی هله کی آچیقلامیرام. او، تئلئویزییادا ایشلمیش، چوخ‌لو فیلملر چکن ایستعدادلی بیر قیزدیر. فیلمین پرودوسئرلیین‌ده منه دوستوم تیمور جعفروو کؤمک ائدیر.

«ژارا» اوچون بیر نئچه ائلئمنت فیکیرلشمیشم. بیرینجیسی، «آذربایجان» آدلی چوخ یاخشی ایکی ترئک یازدیرمیشیق. بیز فستیوالی بو ماهنی ایله آچماق ایستییریک. دیگر ماهنی – من اونو «باکییا قاچاق. ایکینجی حیسه» آدلاندیریرام – اونون پرمیئراسی مایین ۲۸-ده اولاجاق. بو ماهنینی منیم دوستوم براندون ایستونئ یازیب.

«ژارا»نین بودجه‌سی بؤیوک‌دور و بو ایل ده بئله اولاجاق. چونکی پوستسووئت مکانیندا بو جور حادثه چوخ آزدیر. «ژارا» برئندی اساسین‌دا «ژارا تو» و «ژارا» رادیوستانسییاسی فعالیته باشلاییب. ایدئیالار چوخدور و گله‌جک‌ده رئاللاشدیریلا بیلر».

خاطیرلاداق کی، فئستیوالین تشکیلاتچیلاری موغننی و بسته کار ائمین آغالاروو، روسییانین امکدار آرتیستی قریقوری لئپس، «روسسکویئ رادیو»نون و «قیزیل قرامموفون» موکافاتینین تاسیسچیسی سئرگی کوژئونیکوودور. «ژارا-۲۰۱۸»این بیلئطلری اؤتن ایل دئکابرین ۱-دن ساتیشا چیخاریلیب.