یوخاری

«آذربایجان گؤزلی» نئجه سئچیلیر؟ - شوک فاکتلار

آنا صحیفه ماقازین
12 Punto 14 Punto 16 Punto 18 Punto
«آذربایجان گؤزلی» نئجه سئچیلیر؟ - شوک فاکتلار

سون دؤورلر اؤلکه‌میزده کئچیریله‌ن گؤزللیک موسابیقه‌لری اطرافین‌دا تئز-تئز قالماقاللار یارانیر. دفعه‌لرله گؤزللیک موسابیقه‌سی غالیبلرینین ساچ یولدوسو باره‌ده مئدیادا خبرلر یاییلیب. بعضی موسابیقه ایشتیراکچیلاری گؤزل سئچیلمک اوچون کوللی میقداردا پول وئرسه ده، کناردا قالدیقلارینی ادعا ائدیب. بیر چوخ حاللاردا ایسه گؤزل سئچیله‌ن خانیملار اجتیماعیت طرفین‌دن تنقید هدفینه چئوریلیر.

مسئله ایله باغلی Kult.az-ا دانیشان «بست مودل اوف آذربایجان» (آذربایجانین ان یاخشی مودئلی) یاریشماسینین غالیبی، «ایلقار علیئو» مدل مکتبینین تاسیس‌چی‌سی مودل ایلقار علیئو «گؤزل»لرین تنقید هدفینه چئوریلمه‌سینین اساس سببلرینی آچیقلاییب.

«دونیادا توپ مودئللر اوچون بوی مینیموم ۱.۷۳ سانتی متر اولمالیدیرسا، عادی اینسانلار اوچون بوی ۱.۶۸ سانتی متر اولا بیلر. بو ایستاندارت گؤزللیک موسابیقه‌سینین کئچیریلدیی اؤلکه‌ده‌کی عمومی بوی اورتالاماسینا اویغون معینلشدیریلیر. غالیب موطلق چوخ گؤزل و هئچ بیر پلاستیک عملیات کئچیرمه‌یه‌ن شخصلر اولمالیدیر. یاشی نه قدر آز اولسا، غالیب اولماق شانسی آرتیر. اما آذربایجان‌دا کئچیریلن گؤزللیک موسابیقه‌لرینده بیر چوخ حاللاردا خانیملارین بویو بالاجا، یاشی چوخ، چکیسی، بدن قورولوشو و س. ایستاندارتلارا اویغون اولمور. یالنیز بیزده دفعه‌لرله پلاستیک عملیات کئچیرمیش خانیملاری گؤزل سئچیرلر. اما بئله‌لرینی هئچ بیر بین الخالق موسابیقه‌یه گؤزل کیمی گؤندرمک اولماز. گؤزللیک موسابیقه‌سینه قاتیلانلار ماکسیموم اینجه اولمالی، گئییندیی پالتار اینینه یاراشمالیدیر. اصلینده، بوتون دونیادا «میس» یاریشمالارینا قاتیلان خانیملارین زکا سوییه‌سی ده سورغو-سواللا یوخلانیلیر. بیزده ایسه بو یوخدور. چونکی تشکیلاتچیلار غیری-پشه کار اینسانلاری مونصیفلر هئیتینه توپلاییر. بئله اولان حال‌دا سئچیلن گؤزللر ده اجتیماعیت آراسیندا بینیلمیر. اؤلکه‌میزده کئچیریلن گؤزللیک موسابیقه‌لرینده دفعه‌لرله مونصیف اولموشام، بوتون دونیانی گزمیشه‌م، یاریشمالارین نئجه کئچیریلدییندن ده خبریم وار. بیزده بئله یاریشمالاردا ۴۰ مونصیفین قارشیسینا ۱۳-۱۵ ایشتیراکچی چیخاریلیر. مثلاً، موسابیقه‌یه ایسپونسورلوق ائد‌ن سو شیرکتینین نماینده‌سی مونصیف اولور. طبیعی کی، بئله مونصیفلرین دونیاداکی گؤزللیک ایستاندارتلاری باره‌ده هئچ بیر معلوماتی اولمور. اصلینده ایسه پروفئسسیونال مونصیفلر مودئللر، دونیا یاریشمالارین‌دا اؤلکه‌سینی تمثیل ائد‌ن شخصلر، تانینمیش مودئلیئرلر، ایستیلیستلر و س. اولا بیلر. ایستردیم کی، بو یاریشمالارا نظارت ائد‌ن قوروملار یارادیلسین. یالنیز منیم سس وئرمییمله گؤزل سئچیلمیر. باشقالاری دا سس وئریر. بوندان علاوه تشکیلاتچیلارین دا نیه‌سه گؤره وئردیکلری یوکسک خاللار وار. بئله موسابیقه‌لرین غالیبلری آذربایجان خانیملارینین گؤزللیک حاقین‌دا نفوذونو آشاغی سالیر. ائللرینه بو آد باشقا شئیلر اوچون لازیم‌دیر»، - علیئو دئییب.

مودئلیئر شلاله مقصودووا اوللر دفعه‌لرله گؤزللیک موسابیقه‌لرینه مونصیف کیمی قاتیلسا دا، سون ایللر باش وئره‌ن ساختاکارلیقلاری گؤردوکدن سونرا بئله موسابیقه‌لره گئتمه‌مه‌یه قرار وئردیینی سؤیله‌ییب:

«سئچیملر او قدر برباد و آنورمال درجه‌ده اولور کی، وئردییم سسین هئچ بیر اهمیتی اولمور. اؤتن ایل مونصیف کیمی قاتیلدیغیم گؤزللیک موسابیقه‌سین‌ده ۴۰-آ یاخین مونصیفی گؤره‌نده شوک کئچیردیم. بیرینجی توردان سونرا ایمتینا ائلدیم. سونرادان گؤردوم بوتون مطبوعات ایشتیراکچیلارین ساچ یولدوسوندان، موسابیقه‌یه پول اؤد‌مه‌سیندن یازیب. بو موسابیقه‌لر پول اوزرینده قورولان اویونلاردیر. خاریج‌ده کئچیریلن یاریشلاردا ایشتیراکچیلارین حتی گولوشونه قدر فیکیر وئریرلر. بیزده اصل گؤزللر کناردا قالیر، دیکدابان، مینی اتک، بول کوسمتیکادان ایستیفاده ائد‌ن آرتیق چکیلی خانیملار گؤزل سئچیلیر. بو ساحه‌ده وضعیت او قدر برباددیر کی، سئچیله‌ن گؤزللر اینسانلارین دا قیناق اوبیئکتینه چئوریلیر. بئله چیخیر کی، جیبینده پولون وارسا، حتی چوخ چیرکین اولسان بئله، ایستدیین نومیناسییانی آلا بیلرسن».

تاریخ
2019.04.04 / 10:55
مولف
آیتاج آراز
دیگر خبرلر

تورک مشهورلارا قارشی عملیات: اونلار حبس ائدیلدی

تورکیه‌لی مشهور موغه‌ننی ایکینجی دفعه ائوله‌نیر

شیما سوباشی باره‌ده قرار وئریلدی

ترکیه‌ده ایر‌م و حادثه داخیل اولماقلا ۱۹ مشهور ساخلانیلدی

شعبانین بیره‌بیر اوخشاری تاپیلدی - ویدئو

مینا یایی باهالی کلیپی ایله یکونلاشدیردی - ویدئو

رونالدونون تویو: گؤرون نه قدر پول خرجله‌یه‌جک…

تورکییه‌لی آکتیورون اوزرینه آغاج آشدی – آن‌باان ویدئو

آللا پوقاچووا روسیا وطنداشلیغیندان امتنا ائتدی

آیگون کاظیمووا دینجلمه‌یه اونو دا اؤزو ایله آپاردی - ویدئو

خبر خطّی
Axar.az'da reklam Bağla
Reklam
Bize yazin Bağla