- «ائوروویژیون» موسابیقهسینده قیسا مدت عرضینده بؤیوک پرستیشکار اوردوسو قازانمیسینیز. بو گونه قدرکی تصوراتلارینیز نئجهدیر؟
- اعلادیر، چونکی آرتیق ۱۰ ایله یاخیندیر کی، آذربایجاندا ایفا ائدیرهم. اینسانلار منی تانیییر. خالقیمین سئوگیسینی قازانا بیلمیشم. اما بونو اجنبیلردن گؤرمک داها خوشدور. چونکی شهرده گزهنده منه یاخینلاشیرلار، «چینگیز» دئمیرلر، «آذربایجان» دئییرلر. من ده دئییرم «یئس»! هم ده شکیل چکدیریریک. بو، حقیقتا ده چوخ خوشدور.
- آرزو دئمزدیم، بیر واختلار ۲۰۱۱-جی ایلده سئچیم تورلارینا قاتیلمیشدیم. اما تورو کئچمک قیسمت اولمادی. یقین کی، او زامانلار دوغرودان دا، حاضر دئییلدیم. اما بو گون بوتون گوجومله بوردایام و حقیقتی سؤیلهیهجهم.
- اوزونو نئچنجی یئرده گؤرورسهن؟
- من »ائورویویژیون»آ گئدجییمی بیلدییم ایلک گوندن بئینیمده یالنیز بیرینجی یئری توتموشدوم. هئچ ماهنی و کلیپ یوخ ایدی.
- ایلک مشقدن سونرا بوکمئکیرلرین قیمتلندیریلمهسینه گؤره، ۱۳-جو یئردن ۴-جو یئره یوکسلدین. بو حال یقین سنین اؤزونه اینامینی داها دا آرتیردی...
- طبیعی کی، بو، سئویندیریجی خبردیر. اما من بیرینجی یئره کؤکلنمیشم.
- کیمی اؤزونه رقیب گؤرورسهن؟
- دئسم کی، هئچ کیمی رقیب گؤرمورهم، یئکه خانا سسلنهجک. طبیعی کی، بیرینجی یئرده اولان اینسانلار وار و اونلار حاضردا بیرینجی یئردهدیلر. اما بو، هلهلیک بئلهدیر. بیز بونو دییشجییک. اؤزومه چوخ امینم. الیمدن گلنی ائدجهیهم.
- صحنه و دکوراسییا مشقدکیندن فرقلی اولاجاق؟
- صحنهده دییشیکلیک اولمایاجاق. اما ۲-جی فینالا کئچمک اؤزو چوخ بؤیوک بیر اوغوردور. اوندان سونرا آنجاق بیرینجی یئری گؤزلهمک قالاجاق. آذربایجانا نؤوبتی غالیبیتی قازاندیرماق اوچون وار گوجومله چالیشیرام.