بو سؤزلری کولت. آذ-آ آچیقلاماسیندا آکادمیک میللی درام تئاترینین رژیسورو الیف جهانگیر دئییب. او، چ.مصطفی یئوین صحنه پئرفورمانسی زامانی نوماییش اولونان خارئوگرافییا واسطهسیله دونیایا، اینسانلیغا اهمیتلی بیر مئساژ اؤتوردویونو سؤیلهییب:
«بو ایل آذربایجان چینگیزین سیماسیندا و رژیسورون قورولوش وئردیی عمومی صحنه پئرفورمانسی ایله بوتون آوروپانین دقتینی هم بیر اؤلکه اولاراق اؤزونه، هم ده بیر اینسان قلبینه چکدی. طبیعی کی، دوننکی چیخیشین دراماتورژی طرفلرینه بیز بیر او قدر ده دقت یئتیرممیشیک، اما امینم کی، آوروپا بو چیخیشی چوخ گؤزل تحلیل ائدیب.
رژیسورون صحنه قورولوشوندا اورک اوزرینده سانکی بیر عملیات آپاریلیردی. قلبین تمیزلهنمهسی پروسئسینی ایزلییردیک. چین فلسفهسینه گؤره، حیاتین مقصدی قلبین وظیفهسیدیر. قلبلر تمیزلهنمهسه، اورک گئنیشلنمز، بؤیومز. بیر چوخ دینی اینانجلارا گؤره ایسه قلب روحون یوواسیدیر. بو گون دونیا سئوگی آجلیغینی یاشاییر. اطراف عالمدن - بیتکیلردن، حشراتلاردان توتموش، گؤیدهکی اولدوزلارا قدر گؤردویونوز هر بیر جانلینین سئوگییه احتیاجی وار. سئوگینین منبیی ایسه قلبدیر. اونا گؤره ده بیز رژیسورون قورولوش وئردیی صحنه پئرفورماسیندا اؤنجه صحنهنین عملیات ماساسی حیصهسینده تمیزلهنمکده اولان قلبین عملیاتدان سونرا آرخا اکراندا گئنیشلهنمهسینی، سونرا ایسه ذرهلره بؤلونوب بوتون کایناتا آخماسینی گؤروروک. فینالا یاخین چینگیز (صحنهده چینگیز اینسانلارین عمومیلش بیر اوبرازی ایدی) ماتئریالیست حیات طرزیندن، دوشونجهدن، نفسی احتیاجلاردان قوپوب معنوی یوکسلیشه قدهم قویور. بو، فینالا یاخین باش وئریر. چینگیز بیر گؤز قیرپیمیندا فزایا دوغرو اوجالیر، سونرا گئری دؤنوب صحنهنین اؤنونده تاماشاچییا داها یاخین مسافهدن اونلارا، یعنی بوتون اینسانلیغا، بشریته سئوگی پایلاییر».