اوزون مودت‌دیر کی، بوشانما خبرلری ایله گون‌ده‌م‌دن دوشمه‌یه‌ن آکتری‌سا بئرئن ساعت موغه‌ننی حیات یولداشی کنان دوغولونو دوغوم گونو موناسیبتیله تبریک ائدیب.

آخار. آز خبر وئریر کی، اری ایله موناسیبتلرینین سویوق اولدوغو دئییله‌ن فیلم اولدوزو اوریینی اینستاقرام‌دا ایزلییجیلرینه آچیب. او، اری ایله شکیللرینی پایلاشاراق چتین گونلر کئچیرتدیینی، اما موغه‌ننینی سئودیینی اعتراف ائدیب:

«دوشونوره‌م کی، اویون دوستومو تاپمیشام، بیر آخشام" دئدیم، گؤزلرین پارلایاراق باخدین. گئجه گیتارا سسینه اویاندیم، بیر ماهنی بستلییردین، هئیران اولدوم. بیز او ماهنینی بیرلیک‌ده بیتیررکه‌ن عشق نغمه‌سی اولدوق. بیر-بیریمیزین یارالارینی اؤپدوکجه، جان دوستو اولدوق. یایدیغیمیز عشق ائنئرژی‌سی ایله چئوره‌میزده ایقلیم دییشیکلیینه سبب اولدوق و برابر ایلندیک. سونرا بیر نقطه‌ده سن مسومیتینی ایتیردین، من ده اویون دوستومو، یول یولداشی‌می...

تئز-تئز نه زامان بوشاناجاغیمیزی سوروشورلار، گووه‌نمک، باغلانماق، باغیشلاماق، واز کئچمک... اما بو آغیر دویغوسال مدت هئچ کسی ماراقلاندیمیر. بوشانماق ایشین ان آسان طرفی‌دیر، دئییله‌نلره گؤره، ائوله‌نمه‌یه ده آز هوس‌لی طرف ایدیم. منیم اوچون اساس اولان عشق ایدی و عشق‌دیر. اینسانلار اوچون سئوگینی قوروماق بیر یاستیق‌دا قوجالماق‌می‌دیر، بیرلیک‌ده اؤلمک‌می‌دیر، بیلمیرم. هالبوکی، سن، من و آتانین گیتاراسی بیر یاستیغین ایچین‌ده؛ سون‌سوز زامانین دایاندیغی، اؤمرون تاماملاندیغی ۱۰۰ ایللر یاشادیق. بو دب‌دن دوشموش رومانتیزم‌ده اورتاغیم اولدوغون اوچون تشککور ائدیره‌م. سن البته کی، یئنی ماهنیلار یازاجاق‌سان. آرتیق ایچیم‌ده نه غضب، نه ان کیچیک بیر پئشمان‌لیق قال‌دی، هر داملا گؤزیاشیما لاییقینجه دیدین. نه یاخشی دونیایا گلدین کی، سنه آشیق اولدوم».