آذربایجانا دؤرد دفعه سفر ائتمیشهم. آذربایجانلا باغلی یالنیز خوش خاطرهلریم وار. ایلک دفعه ۱۹۷۰-جی ایللرده فیلمیمین پرئمیئراسینا گلمیشدیم. خاطیرلاییرام کی، تاماشاچیلار ایزلیرکهن گؤز یاشی آخیدیردی، فیلمین اورتاسیندا ایسه حتی سؤیلهدیلر کی، ترجمهیه بئله احتیاج یوخدور - هر کس تورک دیلینی چوخ گؤزل باشا دوشور. ایلک سفریمده نفت قوخوسونو جانینا چکمیش خزرین ساحلیندهکی شهری گؤردوم.
اوخو. آذ خبر وئریر کی، بو سؤزلری تورکییهنین مشهور آکتریساسی تورکان شورای «نرگیس ماگازین»ا وئردیی مصاحیبهسینده دیله گتیریب.
باکی بارهده فیکیرلرینی بؤلوشن تورک دونیاسینین مشهور آکتریساسی نؤوبتی سفری زامانی حتی «دیلینین توتولدوغونو» دئییب:
«نؤوبتی دفعه موستقیل آذربایجانا گلدییمده «دیلیم توتولموشدو» – منی ناغیللار شهری احاطه ائدیردی. بورایا سفریم گئجه ساعتلارینا تصادف ائدیردی. شهرین بوتون بینالاری ایشیقلاندیریلمیشدی، سانکی ناغیلدا ایدیم. حتی یاناجاق دولدورما منطقهلری ده ناغیل ائولری کیمی گؤرونوردو.
بورادا بیر چوخ مشهور برند بوتیکلر وار، اؤزونو آوروپاداکی کیمی حس ائدیرسن. بو ایللر عرضینده هر شئی چوخ دییشیب. آذربایجان خالقی او قدر مهریبان و ایستی قانلیدیر کی، سیزین اؤلکهنیزی من ایکینجی ائویم کیمی قبول ائدیرهم. آذربایجانا گلدیکده، اؤزوموزو دوغما مملکتده حس ائدیریک. بو، شابلون ایفاده دئییل، حقیقتا بئلهدیر. بورادا منه بؤیوک قایغی و دقت آییریرلار».
ت. شورای خالق آرتیستی، میللت وکیلی زینب خانلارووا ایله رفیقه اولدوغونو وورغولایاراق، اونونلا باغلی خاطرهلرینی بؤلوشوب:
«زینب خانلارووا ایله چوخ یاخشی دوستوق، بیر دفعه او منه گؤزل بیر اوزوک هدییه ائتمیشدی. زینب خانیم تورکییهیه گلدیینده بیر نئچه دفعه منیم قوناغیم اولوب، تئز-تئز چای سوفرهسی آرخاسیندا صحبت ائتمیشیک. آذربایجانا سون سفریم زامانی منه هتلده باش چکمیشدی».