«نئتفلیکس»این تورکییه ایستحصالی ایله لئنته آلینان «آتیه» سئریالینین دونن طنطه‌نه‌لی تقدیمات مراسمی کئچیریلیب.

باش روللاردا برن ساعت و محمت گونسورون اوینادیغی سئریالین ایلک مؤوسومو دکابرین ۲۷-ده رقمسال پلاتفورمادا یاییم‌لاناجاق.

اکران ایشینین قالاسینا قاتیلان برن ساعتین گؤزل‌لیگی دقت مرکزین‌ده اولوب. کینو اولدوزو قالا اوچون اؤزگور مانصورون ال ایشی اولان ماوی لیباس سئچیب. ماکیاژدان مینیموم ایستیفاده ائد‌ن اولدوز اوبرازینی «میومیو» مارکاسینا عایید اولان گوموشو و آلچاقدابان‌لی آیاققابی ایله تماملاییب.

برن ساعت ژورنالیستلره آچیقلاماسین‌دا بیلدیریب کی، «آتیه»نین حکایه‌سی ایزله‌یه‌نلری چوخ تأثیرله‌ن‌دیره‌جک: «اصلین‌ده، بو جغرافییادان چیخان بیر حکایه‌دیر. دیگر طرف‌دن گؤبکلیتپه حکایه‌ده باش رول‌دادیر. چونکی اکران ایشی اینسان‌لیق اوچون اؤنملی اولان گؤبکلیتپه ایله علاقه‌لی بیر سیررین آختاریشلارین‌دان بحث ائدیر. بیز ده بو حکایه‌نین جانلانماسینا کؤمک ائدیریک. حکایه‌ده باش رولو اصلین‌ده آنادولو اویناییر. تصادفی اولمایان، خیال قوران و بونو سئوگی ایله حیاتا کئچیره‌ن چوخ ایستعدادلی بیر کومان‌دا ایله ایشلدیک. چکدییمیز سئریالین ایزلییجیلر اوچون ماراق‌لی اولاجاغینا اینانساق دا، هیجانلیییق. «نتفلیکس»این سربستلیک وئرمه‌سی و اونلارین گووه‌نینی حس ائتمک گؤزل‌دیر».
سئریال اونور گووناتام، اوزان آچیکتان و گؤنئنچ اویانیکین رژیسورلوغو ایله نوران ائورن شیتین «دونیانین اویانیشی» آدلی کیتاب‌دان ایلهام‌لاناراق یازدیغی سنارییه اساساً لئنته آلینیب.
قالا گئجه‌سین‌ده لاییحه‌نین یارادیجی هئیتی ایله یاناشی، ائلچین سانقو، هازال ائرگوچلو، جانسو توسون ، ائزگی مولا و بیر چوخ صنعت آداملاری ایشتیراک ائدیب.