مشهور تورکییه‌لی موغه‌ننی سزن آکسو آذربایجانلی پرستیشکارینی محکمه‌یه وئریب.

Axar.az خبر وئریر کی، پرستیشکاری موغه‌ننینی قورخودوب.

بئله کی، گئجه ساعتلاریندا سزن آکسونون بیکوزدا یئرلشن دنیزکناری مالیکانه‌سینده قاپینین زنگی چالینیب. قاپینی آچان محافظه‌چی قارشی‌سیندا ۴۷ یاش‌لی آذربایجان اصیل‌لی قادینی گؤروب. «سزن خانیملا گؤروشمک ایستییرم»، - دئیه قادین بیلدیریب. محافظه‌چی ساعتین گئج اولدوغونو دئییب و اونا اجازه وئرمه‌ییب. قادین محافظه‌چینی ایتله‌یه‌رک ائوین حیطینه داخیل اولوب. «سیزی اؤلدورره‌م. رد اول، گئت. سزن خانیمی اؤلدورمکمی ایستییرسینیز؟ بورادا اونو حبس‌ده ساخلاییرسینیز. هئچ کیمله گؤروشمه‌سینه امکان وئرمیرسینیز»، - دئیه قادین تهدید ائدیب. حادثه‌نین شاهدی اولان محافظه‌چی قادینا قارشی شیکایت عریضه‌سی وئریب.

همچینین قادیندان شیکایتچی اولان سزن آکسو دا بونونلا باغلی ایفاده وئریب. «بو شخص مارت، مای، ایول و اوکتیابر آیلارین‌دا ۴ دفعه ائویمه گلیب، قاپینی گوجله آچیب، تهلوکسیزلییمه تهدید یارادیب و تحقیر ائد‌رک منی ناراحات ائدیب. ۲۰۲۲-جی ایلین اوکتیابریندا او، ایچرییه داخیل اولماغا جهد ائدیب. بیر دفعه ائویمین استاکاداسینا یاخینلاشاراق کؤرپویه زیان ووراجاق شکیلده داغینتیلارا سبب اولوب. لاکین او زامان پرستیشکاریم حساب ائتدییم اوچون شیکایت ائتممیشدیم. بو مرحله‌ده ناراحاتلیق سوییه‌سی آرتدیغی اوچون شیکایتچییه‌م»، - دئیه او، ایفاده‌سینده قید ائدیب.