ایرانین عالی ملی تهلوکه‌سیزلیک شوراسین‌دا استروکتور دییشیک‌لیکلری اولماق‌دادیر و «مدافعه شوراسی» آدلی یئنی شورا یارادیلیر.

Axar.az خبر وئریر کی، بو حاق‌دا سپاه-آ یاخین "فارس" خبر آگئنتلییی معلومات یاییب.

ایرانین مدافعه سیاستی ساحه‌سین‌ده استراتئژی میسسییالاری یئرینه یئتیرمه‌سی نظرده توتولان یئنی قورومون استروکتورو یاخین واختلاردا یکونلاشاجاق و اونون دقتی اؤلکه‌نین اساس و مدافعه سندلرینده قرارلارین قبولونا یؤنه‌له‌جک.

دییشیکلیکلر فونون‌دا کئچمیش پارلامنت صدری و حاضردا ایران رهبری علی خامنه‌اینین سیاسی مشاوری اولان علی لاریجانی‌نین بو وظیفه‌یه گتیریلجه‌یی احتمال اولونور.

بیلدیریلیر کی، یاخین گونلرده علی لاریجانی شورانین کاتیبی پوستونو تحویل آلاجاق. حاضیرکی کاتیب علی اکبر احمدیان ایسه اؤلکه‌نین استراتژی سندلرینه نظارت فونکسییاسینی اؤز اوزرینه گؤتوره‌جک.

کونستیتوسییانین ۱۷۶-جی مادده‌سینه اساساً، بو دییشیک‌لیکلرین مسعود پزشکیانین قاتی رقیبی سید جلیلی‌نین تهلوکه‌سیزلیک شوراسیندان کنارلاشدیریلماسی ایله مشایعت اولوناجاغی احتمال ائدیلیر.

بوندان اول عالی ملی تهلوکه‌سیزلیک شوراسینا یاخین مئدیا اورگانی اولان "نوور نیوس" سایتی اؤلکه‌نین یوکسک تهلوکه‌سیزلیک قوروملارینین استروکتورون‌دا دییشیک‌لیکلرین ممکونلویو باره‌ده معلومات وئرمیشدی.