برجام-ا (ایران نووه پروگرامی اوزره بیرگه هرطرفلی فعالیت پلانی) عضو اولان اوچ آوروپا اؤلکه‌سی (آلمانیا، فرانسا و اینگیلتره) بو گون سحر ب‌ام‌ت تهلوکه‌سیزلیک شوراسینین عضولرینه گؤندردیکلری مکتوب‌دا ب‌ام‌ت-نین اسلام رسپوبلیکاسینا قارشی سانکسیالارینی برپا ائتمک اوچون تتیک مکانیزمینی ایشه سالدیقلارینی بیان ائدیبلر.

Axar.az خبر وئریر کی، خبری ب‌ام‌ت تهلوکه‌سیزلیک شوراسیندا صدرلیک ائد‌ن پاناما تصدیقله‌ییب.

"بلی، اونلار "تتیک" مکانیزمینین تطبیقی ایله باغلی رسمی بیلدیریشین عکس اولوندوغو مکتوب گؤندریبلر"، - معلومات‌دا قید ائدیلیب.

خاطیرلاداق کی، آوگوستون ۲۷-ده "آوروپا اوچلویو"نون خاریجی ایشلر ناظرلری آمریکا دولت کاتیبی مارکو روبیونو ایرانا قارشی "تتیک" مکانیزمینین تطبیق ائدیلمه‌سی قراری باره‌ده معلوماتلاندیریبلار.

معلوماتین یاییلماسیندان سونرا ایرانین خاریجی ایشلر ناظری عباس عراقچی ب‌ام‌ت سانکسییالارینین برپاسی ایله باغلی قرارینا جواب وئرجه‌یینه سؤز وئریب.

"ایران اؤز ملی حقوق و ماراقلارینی قوروماق و تامین ائتمک اوچون آوروپا اؤلکه‌لرینین بو قانون‌سوز و اساس‌سیز حرکتینه موافق جواب وئره‌جک"، - دئیه او بیلدیریب.

عراقچی ایرانین بین‌الخالق حقوق و نووه سلاحلارینین یاییلماماسی مقاویله‌سینه اویغون اولاراق قانونی حقوق و منافعلرینی مدافعه ائتمک عزمینی وورغولایاراق، اوچ آوروپا اؤلکه‌سینین رئال شرایطی نظره آلاراق مسئولیتلی موقع نماییش ائتدیرجه‌یینه امید ائتدیینی سؤیله‌ییب.

قید ائدک کی، ایران رهبری علی خامنه‌ای بیر نئچه گون اول خصوصاً آمریکا ایله دانیشیقلارین معناسیز اولدوغونو بیلدیریب.

بعضی ایرانلی اکسپرتلر و خامنه‌ای‌نین علیهدارلاری، "تتیک" مکانیزمینین ایشه سالینماسی نتیجه‌سین‌ده اؤلکه‌ده سرعتلنه‌جک اقتصادی، اجتماعی و سیاسی بحرانا گؤره ایران رهبرینین مسئولیت داشیدیغینی قید ائدیربلر.