گ۷-یه عضو اؤلکه‌لر بعضی متفیقلری ایله بیرلیک‌ده اسلام رسپوبلیکاسی‌نین ایران حدودلارین‌دان کناردا سیاسی رقیبلرینی سیخیشدیرماق و قورخوتماق حرکتلرینی پیسله‌ییب و بونا قارشی چیخاجاقلارینی وورغولاییبلار.

Axar.az خبر وئریر کی، بو باره‌ده گروپون یایدیغی بیانات‌دا دئییلیب.

گ۷ چئویک جواب مکانیزمینین عضولری طرفداش اؤلکه‌لرله بیرلیک‌ده سنتیابرین ۱۱-ی بیرگه بیانات یایاراق، اسلام رسپوبلیکاسی‌نین کشفیات اورگانلارینین سون ایللرده دنیانین مختلف یئرلرینده سیاسی مخالیفلری اوغورلاماغا، اونلاری تعقیب ائتمه‌یه و حتی اونلارا سو-قصد ائتمه‌یه جهد ائتدیکلرینی ناراحات ائدیجی و قبول‌ائدیلمز آدلاندیریبلار.

بیاناتی صنایع‌لشمیش یئددی‌لیک گروپونون عضولری (کانادا، فرانسا، آلمانییا، ایتالییا، یاپونییا، بؤیوک بریتانییا و آمریکا)، آوروپا بیرلییی، همچینین استرالییا، یئنی زلاندییا و هلند امضالاییب.

بیانات‌دا اسلام رسپوبلیکاسی‌نین دیگر فعالیتلری، او جمله‌دن ژورنالیستلرین شخصی معلوماتلارینی الده ائتمک و آچیقلاماق جهدلری، جمعیت‌ده پارچالانما یاراتماق و یهودی اجماعلارینی تهدید ائتمک جهدلری گؤستریلیب.