ب‌ام‌ت تهلوکه‌سیزلیک شوراسی‌نین ایرانا قارشی سانکسییالاری یئنی‌دن تطبیق ائتمک قراری تله‌سیک قراردیر.

Axar.az خبر وئریر کی، بونو ایرانین ب‌ام‌ت-دکی دایمی نماینده‌سی امیر سعید ایروانی بیلدیریب.

او، قرارین قانونسوز اولدوغونو وورغولاییب:

«ایران اونو حیاتا کئچیرمک عهده‌لیینی تانیمیر».

قئید ائدک کی، اؤتن گون ب‌ام‌ت تهلوکه‌سیزلیک شوراسی‌ ایرانا قارشی ۲۰۱۵-جی ایلده لغو ائدیلمیش سانکسییالارین برپاسینی انگلله‌مه‌یی نظرده توتان قطعنامه لاییحه‌سینی رد ائدیب.

آوروپا "اوچلویو" تهران حکومتی قارشی‌سیندا اوچ شرط قویوب: آمریکا ایله دانیشیقلارا باشلاماق، نووه فعالیتلرینی دایاندیرماق و زنگینلشدیریلمیش اوران حاقیندا معلومات وئرمک.

بو شرطلره عمل ائتمک اوچون تهرانا ۳۰ گون واخت وئریلیب. عکس حالدا، "تتیک" مکانیزمی تطبیق اولوناجاق، یعنی ب‌ام‌ت تهلوکه‌سیزلیک شوراسی‌نین ۲۲۳۱ سایلی قطعنامه‌سی یئنی‌دن قوه‌یه مینه‌جک.