هندستان وطنداشلارینی قاچیرما ریسکی سببیله ساختا ایش اعلانلارینا آلداناراق ایرانا گئتمه‌مه‌یه چاغیریب.

Axar.az خبر وئریر کی، بونونلا باغلی هندستان خاریجی ایشلر ناظرلییی معلومات یاییب.

"سون هفته‌لر آرتان سایدا هندستان وطنداشی ایش امکانلاری و یا اوچونجو اؤلکه‌لره ایمیگراسییا احتمالی وعدلری ایله آلدادیلیب ایرانا سفر ائدیب، آنجاق ایرانا داخیل اولدوقدان سونرا جنایتکار دسته‌لر طرفین‌دن قاچیریلیب و آزادلیغا بوراخیلمالاری اوچون عائله‌لرین‌دن پول طلب ائدیلیب"،- ناظرلیین معلوماتیندا بیلدیریلیب.

خبردارلیق‌دا وورغولانیر کی، هندستان وطنداشلارینین ایرانا ویزاسیز گیریشینه یالنیز توریزم مقصدلری اوچون اجازه وئریلیر:

"آگئنت‌لیکلرین مشغوللوق و یا غیری-توریزم مقصدلری اوچون ویزاسیز گئدیش-گلیشی آسانلاشدیرماق اوچون هر هانسی ادعالاری چوخ گمان کی، جنایت شبکه‌لری ایله باغلی‌دیر".