ب‌ام‌ت-نین تهلوکه‌سیزلیک شوراسی و آوروپا اوچلویونون ایرانا قارشی "تتیک" مکانیزمی و یئنی سانکسییالارین تطبیقی باره‌ده قراریندان درحال سونرا، اؤلکه‌ده مئدیا اورگانلارینا قارشی تضییقلر ده آرتیب.

Axar.az خبر وئریر کی، بو حاق‌دا تهران پروکورورو بیلدیریب.

علی صالحی بو گون سحر ساعتلاریندا وئردیی آچیقلامادا بیر سیرا مئدیا قوروملاری و سوسیال مئدیا کاناللارینا قارشی جنایت ایشینین آچیلدیغینی دئییب:

"بیر سیرا آوروپا اؤلکه‌لری ایله ایران آراسیندا باش وئره‌ن بعضی سیاسی حادثه‌لرله عینی واخت‌دا اقتصادی مسئله‌لرله باغلی «حساس» خبرلر درج ائتمه‌یه جهد ائد‌ن بیر سیرا مطبوعات و سوسیال مئدیا کاناللارینا قارشی محکمه ایشی آچیلیب".

تهران پروکورورو، سانکسییالارین تطبیقیندن سونرا قیمت آرتیمی ایله باغلی یازیلارین درجی‌نین «جمعیتین پسیکولوژی تهلوکه‌سیزلیینی پوزدوغونو» ادعا ائدیب.

صالحی قید اولونان حرکتلره نظارت ائدیلدیینی و تقصیرلندیریلن شخصلرله باغلی محکمه پروسسینین داوام ائتدیینی وورغولاییب.

قئید ائدک کی، ب‌ام‌ت تهلوکه‌سیزلیک شوراسی (ت‌ش) روسییا و چین طرفیندن تکلیف اولونان و ایرانین نووه پروگرامی اوزره بیرگه هرطرفلی فعالیت پلانینی (برجام) دستکله‌ین ب‌ام‌ت تهلوکه‌سیزلیک شوراسی‌نین ۲۲۳۱ سایلی قطعنامه‌سی‌نین مدتینی آلتی آی اوزاتماق‌دان امتناع ائدیب.