تهران پروکورورلوغو «شرق» قزئتینین باش رداکتورو و کروموسوم پوزغونلوغو اولان کؤرپه‌لرین دوغولماسینین آرتماسی ایله باغلی رپورتاژ حاضرلایان مسئول شخصلره قارشی جنایت ایشی قالدیریب.

Axar.az خبر وئریر کی، بو حاق‌دا یئرلی مئدیا معلومات یاییب.

قزئت بو گونلرده «عائله‌نین مدافعه‌سی و جمعیتین گنجلرشدیریلمه‌سی حاقیندا» قانونون تطبیق ائتدیی محدودیتلرین قادینلارین سکرینینگ لابوراتورییالارینا مراجعتلرینین آزالماسینا، نتیجه‌ده داوون سیندرومو دا داخیل اولماقلا ژنئتیک پوزغونلوقلارلا دوغولان کؤرپه‌لرین سایینین آرتماسینا سبب اولدوغونو یازیب.

صحیه ناظرلییی «شرق» قزئتینین کروموسوم پوزغونلوغو ایله دوغولان کؤرپه‌لرین سایینین ایکی دفعه آرتماسی ایله باغلی خبرینی تکذیب ائد‌رک، خبرین علمی اساسی اولمادیغینی ادعا ائدیب.

مقاله‌نین درجیندن و صحیه نازیرلیینین رئاکسییاسین‌دان سونرا تهران پروکورورلوغو مسئول دیرکتور و حساباتی حاضرلایان شخصلره قارشی حقوقی ایشین آچیلماسینا گؤستریش وئریب.

«شرق» قزئتی بو سحر یایدیغی خبرده قزئته و خبری حاضرلایان شخصلره قارشی اتهامی تصدیقله‌ییب.