اورمییا گؤلونون کریتیک وضعیتی عدالتسیزلیین سیموولو و ایران‌دا آذربایجان‌لیلارا قارشی آچیق آیری‌سئچکیلیین نمونه‌سی‌دیر.

Axar.az خبر وئریر کی، بونو ب‌ام‌ت-نین ایران‌داکی انسان حاقلاری اوزره خصوصی معروضه‌چیسی مای ساتو دئییب.

او، ژنوده گونئی آذربایجان‌دا انسان حاقلارینین مدافعه‌سینه حصر اولونان کنفرانس‌دا، اورمییا گؤلونون قوروماسینی ایران رسمیلرینین یاریتماز سیاستینین نتیجه‌سی حساب ائدیب:

"اورمییا گؤلونون کریتیک وضعیتی ثمره‌سیز اداره‌ائتمه‌نین و اکولوژی اداره‌چی‌لیک‌ده شفافلیغین اولماماسینین نتیجه‌سی‌دیر. بو، تکجه اطراف محیطی دئییل، هم ده یئرلی اهالینین اساس حقوقلارینی و عنعنه‌وی حیات طرزینی تهلوکه آلتینا قویوب. آذربایجان جمعیتی حاضردا اورمییا گؤلونون قوروماسینین گئنیش تأثیرلری ایله اوز-اوز‌ه‌دیر و بو پروسسین داوام ائتدیریلمه‌سی داها تهلوکه‌لی فسادلارلا نتیجه‌لنه بیلر».

ساتو، اکولوژی پروبلئمله باغلی فیکیر بیلدیره‌ن اجتماعی و اطراف محیط فعاللارینین دا سیخیشدیریلماسینا دقت چکیب، اونلارا قارشی تضییقلری افاده و دینج توپلاشماق آزادلیغی ساحه‌سین‌ده‌کی حقوقلارین پوزولماسی آدلاندیریب.

قید ائدک کی، سون معلوماتلارا گؤره، اورمییا گؤلو تامامیله قورویوب و پیک‌دن چکیلن فوتولاردا دا گؤرونمور.