اسرائیل اردن چایینین غرب ساحلینه ایران سلاحلارینین قاچاقمالچیلیق یولو ایله کئچیریلمه‌سی پلانینین قارشی‌سینی آلیب.

Axar.az خبر وئریر کی، بو حاقدا اسرائیلین "کانال ۱۴"-او شین‌بت-ین بیاناتینا استنادا معلومات یاییب.

معلوماتا گؤره، ایرانین مقصدی اردن چایینین غرب ساحلین‌ده‌کی گروپلاری سلاحلاندیرماق و اسرائیل هدفلرینه هجوم ائتمک اولوب.

"اله کئچیریلن یوکون ایچریسینده اونلارلا پارتلاییجی قورغو، پیلوت‌سوز طیاره‌لر، تانک علیهینه سلاحلار، قومبارالار، تاپانچالار، تفنگلر و یوزلرله پاترون اولوب"،- معلومات‌دا بیلدیریلیب.

قید اولونوب کی، استنطاق آیلار اول سلاح ساتیجیسی‌نین رام‌اللاه یاخینلیغیندا حبس ائدیلمه‌سیندن سونرا باشلاییب و نتیجه‌ده بؤیوک بیر قاچاقمالچی شبکه‌سینین معین ائدیلمه‌سینه سبب اولوب.

اسرائیلین ادعاسینا گؤره، قاچاقمالچیلیق عملیاتی سپاه-ین «۴۰۰۰-جو بؤلمه‌سی»نین کوماندیری جواد قففاری و سورییادا عسگر باقرینین نظارتی آلتین‌دا فعالیت گؤستره‌ن «۱۸۸۴۰-جی بؤلمه» واسطه‌سیله حیاتا کئچیریلیب.

اسرائیلین لیوان‌دا حیاتا کئچیردیی هوا هجوملاری نتیجه‌سین‌ده اؤلدورولن سپاه-ین ایکی عضوو صالح الحسینی و محمد شاعیبین ده شبکه عضولری اولدوغو معین ائدیلیب.