استانبول باش پروکورورلوغو ملی استحبارات تشکیلاتی (میت) ایله بیرگه می۶ و سیا-یا ایشله‌ین بؤیوک جاسوس شبکه‌سینی افشا ائدیب.

Axar.az خبر وئریر کی، بو باره‌ده تورکییه‌لی ژورنالیست عبدالرحمان شیمشک معلومات یاییب.

او بیلدیریب کی، استنطاق جاسوسلوق اتهامی ایله حبس ائدیلن ایش آدامی حسین گونون اؤگئی اوغلونون شیکایتی اساسیندا باشلاییب.

استنطاق ح. گونونون بؤیوک بریتانییا و آمریکا اوچون آگئنت کیمی فعالیت گؤستردیینی و تورکییه‌ده‌کی سئچکی پروسسلرینه مداخیله ائتدیینی معین ائدیب.

۲۰۲۵-جی ایل ایولون ۴-ده حبس ائدیلن اینگیلتره و تورکییه وطنداشی اولان ح.گونونون تلفونونون یوخلانیلماسیندا اینگیلیس کشفیاتچیلاری ایله یازیشمالاری، شفرلی رابطه پروگراملاری و تورکییه‌لی ناظرلرین گیزلی فوتولاری آشکارلانیب.

اونون بریتانییالی کشفیاتچی کریستوفر پول ماکگراتلا (ج.پ.م.) علاقه‌لری اولدوغو معین ائدیلیب. اونلارین «Wickr» پروگرامی واسطه‌سیله گیزلی مئساژلار مبادیله‌سی آپاردیقلاری معلوم اولوب. گونون الیازما قیدلرینده فتو/پ‌دی-نین اینگیلتره امامی مصطفی اؤزجانلا اوزبه‌اوز گؤروشلر زامانی آلدیغی تکلیفلر یئر آلیب. عینی زاماندا اونون تلفون کونتاکتین‌دا می۶، سیا و موساد-آ باغلی آدلارا دا راست گلینیب.

ح.گون و کریستوفر پ.م آراسیندا واتساپ یازیشمالاری دا الده ائدیلیب. گون آدیچکیلن کشفیات‌چییا یازدیغی مئساژدا تورکییه پرزیدنتی رجب طایییب اردوغانی «سوبلیمئ» (عظمتلی) کود آدی ایله تقدیم ائدیب.

اونون مئساژیندا «اگر «سوبلیمئ»نین اینگیلتره‌ده‌کی فعالیتلری ایله باغلی کشفیات معلوماتی وئره بیلسه‌نیز فایدالی اولار» یازدیغی اورتایا چیخیب.

بوندان باشقا، کریستوفرین اوزاقدان و گیزلی شکیلده تورکییه‌نین کئچمیش عدلیه ناظری عبدالحمید گول، کئچمیش اقتصادیات ناظری نهاد زیبکچی، کئچمیش داخیلی ایشلر ناظری سلیمان سویلو و پرزیدنتین مشاوری مجاهید آرسلانین دا فوتولارینی چکدیی بللی اولوب.