اؤتن گئجه اوکراینا پیلوت‌سوز اوچوش آپاراتلارینین (پوا) ریازان ویلایتینه هجومو نتیجه‌سینده پارتلاییشلار باش وئریب.

Axar.az خبر وئریر کی، یئرلی ساکینلر و تلگرام کاناللارینین یایدیغی معلوماتلارا گؤره، ریازان و اطراف بؤلگه‌لرده پارتلاییش سسلری ایله یاناشی یانغینلار مشاهده اولونوب.

قوبرناتور پاوئل مالکوو بیلدیریب کی، حادثه نتیجه‌سینده خسارت آلان اولماییب.
روسییا مدافعه ناظیرلیینین معلوماتینا گؤره، گئجه عرضینده ریازان رئگیونوندا ۲۹ اوکراینا پوا-سی وورولوب.

اوکراینانین ریازان نفت اعمالی زاوودونا دا ضربه ائندیردیی بیلدیریلیر. یانغین و پارتلاییشلارین زاوود اراضیسی اولدوغو قید ائدیلیر. یانغینین ۵۰۰-۸۰۰ متر آرالیدا چکیلمیش گؤرونتولری ده موجوددور. عینی زاماندا، یئرلی ساکینلر و مئدیا بیر نئچه پوا-نین یاخین‌لیقداکی چوخ‌مرتبه‌لی یاشاییش بینالارینا دوشدویونو دئییبلر.

ریازان نفت اعمالی زاوودو روسیه‌نین ان بؤیوک نفت اعمالی زاوودلاریندان بیریدیر. آ-۹۲/۹۵/۹۸/۱۰۰ مارکالی بنزین، دیزل، راکتیو یاناجاق، سیخیلمیش گاز و دیگر نفت محصوللاری استحال ائد‌ن زاوود ایلده ۱۷،۱ میلیون تن نفت اعمالی ائده بیلیر. ایلده اورتا حسابلا ۸۴۰ مین تون آویاسییا کئروسینی استحصال ائد‌ن زاوود روسیه حربی هاوا-کوسمیک قوه‌لرینین تجهیزاتیندا اشتراک ائدیر.