اوکراینادا و آوروپادا آمریکا پرزیدنتی دونالد ترامپ آدمینیستراسییاسینین آپاردیغی صلح دانیشیقلاری ایله باغلی ناراحاتلیق آرتیر.

Axar.az خبر وئریر کی، بونو «له موند» پورتالی یازیب.

بیلدیریلیر کی، بو دانیشیقلاردا آمریکا آوروپانی نظره آلمیر و اونون رولونو کیچیلدیر:

«واشینگتن هله ده روسیا لیدری ولادیمیر پوتینله هر هانسی جدی کمپرومیس الده ائده بیلمه‌ییب، پوتین ایسه محاربه‌نین دایاندیریلماسی اوچون ماکسیمالیست طلبلر ایر‌لی سورمه‌یه داوام ائدیر.

اوکراینالیلاری و اونلارین آوروپاداکی متفقلرینی ناراحات ائد‌ن اساس مقام آمریکا-نین صلح دانیشیقلارینا آوروپانی جلب ائتمک نیتینده اولماماسی‌دیر.

ترامپین ایکی نماینده‌سینین پوتینله گؤروشوندن جمعی بیر نئچه ساعت سونرا کرملینین رهبرینین مصلحتچی‌سی کیریل دمیتریئو بیلدیریب کی، آمریکا و روسیا طرفلرینین مذاکره ائتدیی «صلح پلانی» ۲۷ بنددن عبارت اولوب. بو ایسه مسکوانین طلبلرینه جواب وئرن ایلکین سنددن جمعی بیر بند آزدیر.
بو، اوکراینا و آوروپادا بئله بیر فکر یارادیر: ۲۳ نویابردا جنوره‌ده آوروپالیلار، آمریکالیلار و اوکراینالیلار آراسین‌دا کئچیریله‌ن و صلح پلانینین بین‌الخالق حقوق نرمالارینا اویغونلاشدیریلماسی، ائلجه ده ان پروبلملی بندلرین چیخاریلماسی مقصدی داشییان دانیشیقلار واشینگتن طرفیندن نظره آلینماییب».