آوسترالیانین بوندی چیمرلیینده هانوکا بایرامی زمانی یهودیلره هجوم ائد‌ن و ۱۲ نفرین اؤلومونه سبب اولان آتیجیلاردان بیرینین سلاحینی احمد الاحمد آدلی شخص آلیب.

Axar.az خبر وئریر کی، بو باره‌ده «تایمز آف اسرائیل» معلومات یاییب.

بیلدیریلیب کی، میوه ماغازاسینین صاحبی، ۴۳ یاشلی احمدین ایکی سلاح‌لیدان بیری ایله البه‌یاخا اولماسی آنینین گؤرونتولری یاییلیب.

اونون عمی‌سی اوغلو مصطفی مدیایا آچیقلاماسین‌دا دئییب کی، ایکی اؤولادی اولان احمده ایکی گوله دییب.

«او، خسته‌خانادادیر، ایچریده نه باش وئردیینی دقیق بیلمیریک. امید ائدیریک کی، او، ساغالاجاق. او، ۱۰۰ فایز قهرمان‌دیر»، - مصطفی قید ائدیب.

بوندان اول باش ناظیر بنیامین نتانیاهو بو جسارتلی حرکتی «یهودی قهرمانلیغینین زیروه‌سی» آدلاندیرمیشدی.