اوزون ایللر دوغوم نیسبتی‌نین ائنمه‌سی فونوندا آوروپا اهالینین جدی آزالماسی پروبلئمی ایله اوزله‌شیب.

Axar.az خبر وئریر کی، بو باره‌ده "واشینقتون پوست" معلومات یاییب.

"بو، بیر چوخ حکومتلرین ایشچی قوه‌سینین آزالماسی و اقتصادی مفلس‌لشمه احتمالی ایله باغلی ناراحات‌لیغینا سبب اولوب. بئله‌لیکله، حکومتلر "بابی-بوم" اوچون فایدالاری، تشویقلری و ایدئولوگییانی بیرلشدیرمه‌یه چالیشیر. آنجاق اوشاقلی عائله‌لر اوچون ان گذشتلی معاوینتلری حیاتا کئچیره‌ن اؤلکه‌لر بئله هئچ بیری بو وظیفه‌نی یئرینه یئتیرمه‌ییب. خصوصیله، سکاندیناوییا ساکینلرینین دوغوم اوچون اقتصادی ایستیموللاری وار. اونلار گوجلو سوسیال رفاه پروگراملارینین دوغوم نیسبتینین کسکین آزالماسینین قارشی‌سینی آلا بیلمه‌دیینی ایضاح ائتمک اوچون خصوصی کومیسسییالار یاراتمالی اولوب. فرانسادا دا دوغوم نیسبتی اهمیتلی درجه‌ده آزالیب - سون اون ایلده ۱۸ فایز. اورادا پرزیدنت امانوئل ماکرون دوغوم سوییه‌سینین آرتیریلماسینین لئهینه چیخیش ائدیب. ایتالییا ایکی و یا داها چوخ اوشاغی اولان ایشله‌ین آنالارا بونوسلار تکلیف ائدیر. کئچن ایل پولشا عائله‌لره آیلیق اؤدنیشی آرتیریب - هر اوشاق اوچون آیدا ۲۲۰ دوللار. اوکتیابر آییندا پولشا پرزیدنتی ایکی و یا داها چوخ اوشاغی اولان والیدئینلر اوچون اهمیتلی وئرگی گذشتلری نظرده توتان قانونو امضالاییب. آمریکادا دا مالییه تشویقلری نظردن کئچیریلیر.

ترامپ آدمینیستراسییاسی آرتیق بعضی ایلکین آددیملاری آتیب، یئنی دوغولموش اوشاقلار اوچون (۱۸ یاشینا چاتدیقدان سونرا الده ائدجه‌یی) ۱۰۰۰ دوللار وسایتین آییریلماسی کیمی"، - معلومات‌دا دئییلیب.