۱۹۶۵-جی ایلده گیزلی عملیات زمانی آمریکا مرکزی کشفیات اداره‌سی (م‌ک‌ای) هیمالای داغلاریندا رادیواکتیو پلوتونیوم کاپسوللاری اولان نووه ژنراتورونو ایتیریب. بو قورغو هیندیستان ساکنلری اوچون تهلوکه یارادا بیلر.

Axar.az خبر وئریر کی، بو باره‌ده "نیو یورک تایمز" معلومات یاییب.

"۱۹۶۵-جی ایلده آمریکا چینه جاسوسلوق ائتمه‌یی پلانلاشدیریب. بو مقصدله مرکزی کشفیات اداره‌سی (م‌ک‌ای) نان‌دا دوی داغینین زیروه‌سینه خصوصی مشاهده آوادانلیغی، او جمله‌دن سناپ-۱۹ج پورتاتیو نووه ژنراتورو قوراشدیرماق اوچون بیر گروپ آلپینیست گؤندریب. قفیل قار فیرتیناسیندان سونرا اکسپدیسییا دوشرگه‌نی ترک ائتمک و بوتون آوادانلیقلاری زیروه‌ده قویماق مجبوریتینده قالیب. آلپینیستلر ۱۹۶۶-جی ایلده گئری قاییدان‌دا ژنراتورو تاپا بیلمه‌ییبلر.

مرکزی کشفیات اداره‌سی (م‌ک‌ای) ۱۹۶۷ و ۱۹۶۸-جی ایللرده آختاریش عملیاتلاری تشکیل ائتمک اوچون ایکی جهد گؤسترسه ده، اوغورسوز اولوب. سناپ-۱۹ج جیهازینین یئری هله ده معلوم دئییل"، - معلومات‌دا قید اولونوب.

قزئتین معلوماتینا گؤره، ژنراتوردا خرچنگه سبب اولا بیله‌جک زهرلی مادده اولان پلوتونیوم کاپسوللاری وار.

سیاستچیلر و اکولوگلار جیهازین داغ چایینا دوشجه‌ییندن و یوز میلیونلارلا هیندلی اوچون حیات خطی اولان گانگ چایینین یوخاری آخارینا رادیواکتیو ماتریال بوراخاجاغیندان قورخورلار.