سورییادا اسد رژیمینین دئوریلمه‌سی و یئنی حکومتین قورولماسیندان سونرا اوزون ایللر رژیمی آیاقدا ساخلاماغا چالیشان روسییانین اسده دسته‌یینی نئجه کسدیی و اوندان امتناع ائتدیی سئوالی ماراق دوغوروب.

Axar.az خبر وئریر کی، سورییا خارجی ایشلر ناظری اسد اش-شیبانی مسئله ایله باغلی سعودییه عربستانی مئدیاسینا آچیقلاما وئریب.

ناظر الباب هاوا سرحد-کئچید منطقه‌سینده روسییا رسمیسی ایله اوزبه‌اوز گؤروشدوکلرینی و بو گؤروشدن سونرا هر شئیین دییشدیینی بیلدیریب.

او علاوه ائدیب کی، همین رسمی شخص اونلارا "پوتین بیاناتی اوخودو و بیندی. بیز مئساژی آلدیق و بونون نه دئمک اولدوغونو آنلادیق" دئییب:

"همین گؤروشده سورییا طرفی ظفر الده ائد‌ن مؤقع‌ده دئییلدی. آنجاق بیز سورییا خالقیییق و دییشیکلییی سئچمیشیک. روسییانین رژیمله اتفاقی سهو ایدی، لاکین سهولر دوزلدیله بیلر. بو مؤقع نظردن کئچیریله بیلر، امکداشلیق یئنی‌دن برپا اولونا بیلر. آنجاق اعتبارسیز رژیمله دئییل، بیر خالقلا. بیز بو مئساژی روسییا طرفینه چاتدیردیق".

شیبانی روسلارین اسده دستک‌دن امتناع ائتمه‌سینی بئله ایضاح ائدیب:

"روسلارا بیلدیریلدی کی، اونلار سورییا خالقینا خدمت ائتمه‌سی قارشیلیغیندا اؤلکه‌ده‌کی حربی وارلیغینی داوام ائتدیره بیله‌جکلر. عینی زاماندا وورغولادیق کی، بشر اسدی دئویرمک روسییانین سورییانی ترک ائتمه‌سی آنلامینا گلمیر. اساس ایفاده آیدین و بیرمعنالی ایدی: "گلجه‌یینیزی بشره باغلامایین. او، موقتی‌دیر. سیزین قورا بیلجه‌یینیز بیر حکومت وار. بوندان سونرا روسلار اسد رژیمینه دستک وئرمکدن امتناع ائتدیلر".

او قید ائدیب کی، روسلار اونلاردان دمشقه هانسی واختا کیمی چاتا بیله‌جکلرینی ده سوروشوبلار:

"من ۴۸ ساعتا دئدیم. بوندان سونرا اونلار دمشق‌دن چیخماغا باشلادی. اونلاری کیم گؤردو؟ بشرین آداملاری. بو، اونلارین سقوطونا سبب اولدو".