ونزوئلا پرزیدنتی نیکولاس مادورو و حیات یولداشینین آمریکا حربچیلری طرفیندن نئجه ساخلانیلماسینا دایر بعضی دتاللار معلوم اولوب.

Axar.az خبر وئریر کی، ونزوئلا پرزیدنتی مادورو و اونون خانیمی جیلیا فلورس رسمی اقامتگاهدا یوخ، شخصی مالکانه‌لریندن بیرینده ساخلانیلیبلار.

منبع‌نین بیلدیردیینه گؤره، مادورو و حیات یولداشینین پایتاخت کاراکاس‌دان کناردا یئرلشن همین مالکانه‌ده اولمالارینی آز آدام بیلیرمیش. پرزیدنت و خانیمی بورادا ۱ گون قالدیقدان سونرا یئرلرینی دییشمه‌یی پلانلاشدیریبلارمیش. لاکین آنی هجوم اونلارین بو پلانینی پوزوب.

معلوماتا گؤره، ساخلانیلما آنیندا ونزوئلا پرزیدنتی نیکولاس مادورو آمریکا حربچیلریندن خانیمینی آزاد ائتمه‌لرینی خواهیش ائدیب، اؤزونون ایسه کؤنوللو شکیلده اونلارلا گلجه‌یینی سؤیله‌ییب. لاکین عملیاتچیلار اونون بو خواهیشینی یئرینه یئتیرمه‌ییب.