اوکراینا صلحه یاخینلاشماق اوچون سون درجه آغریلی کومپرومیسلره راضیلاشیب، لاکین روسیا هله ده باریشماز موقعینی نمایش ائتدیریر و بو وضعیتدن اؤلکه‌میز فایدا الده ائده بیلر.

Axar.az خبر وئریر کی، بو سؤزلری روسیا-اوکراینا محاربه‌سینین وترانی، "آیدار" باتالیونونون سابق تاغیم کماندیری یوگئنی دیکی بیلدیریب.

او حساب ائدیر کی، حاضردا صلح دانیشیقلاری اصلینده دیپلماتیک اویوندور:

«منه ائله گلیر کی، روسیانین باریشماز موقعی بیزه شانس یارادیر. مسئله اوندادیر کی، اوکراینا فاکتیکی اولاراق ان آغریلی کومپرومیسه گئدیب: بو گون راضیلاشمایا حاضر اولدوغوموز صلح شرطلرینی "کومپرومیس" آدلاندیرماق بئله چتیندیر. اما روسیا بونا دا راضی اولمور. او، محاربه‌نین یالنیز طرفلردن بیرینین تام غلبه‌سی ایله یکونلاشاجاغی حالدا باشا چاتمیش حساب ائده بیلر».

اکسپرت قید ائدیب کی، روسیا اؤز غلبه‌سینه امین‌دیر، لاکین او، بونونلا راضیلاشماییب:

«استثنا ائتمیرم کی، سونرادان تاریخچیلر ایندیکی حادثه‌لری ۱۹۴۲-جی ایلین فورالین‌دا آلمان هجومونون ایلک دفعه مسکوا یاخینلیغیندا دایاندیریلماسیندان سونرا استالینله هیتلرین نتیجه‌سیز دانیشیقلارینی خاطرلادیقلاری کیمی خاطرلایاجاقلار. همین واخت استالین هیتلره سون درجه صرفه‌لی صلح تکلیف ائدیردی: اوکراینانین، بئلاروسون، بالتیکیانی اؤلکه‌لرین و بیر سیرا دیگر اراضیلرین آلمانیایا وئریلمه‌سی ایله. اما هیتلر محاربه‌نی اورالادک آپارماق ایسته‌یه‌رک بوندان امتنا ائتدی و نتیجه‌ده اونو برلین بونکری بیتیردی».