۱۹۵۲-جی ایل تاریخ‌لی بیر امره اساساً، دانیمارکا اراضی‌سینه هجوم حالین‌دا حربی قوللوقچولار خبردارلیق ائتمه‌دن و یا کوماندانلیغین علاوه امری اولمادان آتش آچمالیدیرلار.

Axar.az خبر وئریر کی، بو باره‌ده «بئرلینگسکئ» قزئتی معلومات یاییب.

"امر گؤزله‌مه‌دن و یا طلب ائتمه‌دن دؤیوشه گیرین" دئیه قزئت امردن سیتات گتیریب.

اؤلکه‌نین مدافعه ناظرلییی امرین قوه‌ده قالدیغینی تصدیقله‌ییب، یعنی گرینلندییاداکی دانیمارکا عسگرلری آمریکا قوه‌لرینین هجومو حالین‌دا آتش آچمالی اولاجاقلار.

قید ائدک کی، آمریکانین هازیرکی پرزیدنتی دونالد ترامپ دفعه‌لرله گرنلندیانین آمریکایا قوشولمالی اولدوغونو بیلدیریب. ۲۰۲۵-جی ایلین مای آیین‌دا ان.بی.سی نیوز-آ وئردیی مصاحبه‌ده او، مسئله‌نی حل ائتمک اوچون گوج تطبیق ائتمک احتمالینی استثنا ائتمه‌ییب.