«ول استریت ژورنال» قزئتینین معلوماتینا گؤره، ریاض‌داکی آمریکا سفیرلیینه هجوم ائدیلیب. بیز بو حرکتی قیناییریق و بیان ائدیریک کی، بو حادثه‌نین ایران سلاحلی قوه‌لری ایله هئچ بیر علاقه‌سی یوخدور و صیونیست دوشمنین بؤلگه‌ده‌کی استراتگییاسی نظره آلینماقلا، بو حرکت مطلق صیونیستلر طرفیندن حیاتا کئچیریلیب.

Axar.az خبر وئریر کی، بو بیاناتی ایران اسلام انقلابی کئشیک‌چیلری کورپوسو (سپاه) یاییب.

بیلدیریلیب کی، ایران سلاحلی قوه‌لرینین هدفلری اولجه‌دن آیدین شکیلده گؤستریلیب و قونشو و مسلمان اؤلکه‌لره اسرائیلین بؤلگه‌ده‌کی تخریباتچی فعالیتلری ایله باغلی لازیمی خبردارلیقلار ائدیلیب.

«غربی آسیا اؤلکه‌لرینین آمریکا-صیونیست حرکاتینین بؤلگه‌نی ثابتسیزلشدیرمه‌یه و محو ائتمه‌یه یؤنلمیش تخریباتچی فعالیتلرینه قارشی آییق-ساییق اولماسی واجیب‌دیر»، - بیانات‌دا وورغولانیب.