بو گون سحر ساعتلاریندا غربی آذربایجان ایالیتی‌نین اورمییا شهرینین حبسحاناسیندا "اسرائیله جاسوسلوق"دا گوناهلاندیریلان داها ایکی محبوس اعدام ائدیلیب.

Axar.az خبر وئریر کی، بو باره‌ده ایران مئدیاسی معلومات یاییب.

یقوب کریمپور و ناصر بکرزادنین "اسرائیل ایله جاسوسلوق و کشفیات امکداشلیغی" و "موسادلا امکداشلیق یولو ایله یئر اوزونده فساد یایماق" اتهامینا گؤره جزالاندیریلدیقلاری بیلدیریلیب.

اونلارین همچینین "حربی اوبیکتلرین معلومات و گؤرونتولرینین گؤندریلمه‌سی"، "تخریبات آکتلاری"، "سس بومبالاری حاضرلاماق"، "حساس مرکزلردن معلومات توپلاماق" و "موساد ظابطلری ایله ساحه امکداشلیغی" ائتدیکلری ادعا اولونوب.

قید ائدک کی، غربی آذربایجان ایالتینین قوشاچای (میانداب) شهریندن اولان ۱۹۸۴ تولدلو یقوب کریمپور، ۱۶ ایون ۲۰۲۵-جی ایلده حبس ائدیله‌رک، ۱۲ گونلوک ایران-اسرائیل محاربه‌سی دورونده "اسرائیلله امکداشلیق"دا گوناهلاندیریلیب.

ماراغا اونیورسیته‌سینده حقوق فاکولته‌سینی بیتیره‌ن کریمپور، آغیر فیزیکی قصورلو ایدی و کرونیکی خسته‌لیکلردن اذیت چکیردی.

۲ یانوار ۲۰۲۴-جو ایلده حبس ائدیلن ناصر بکرزاده ایسه اورمییا انقلاب محکمه‌سی طرفیندن اعداما محکوم ائدیلمیشدی.