ازبکستان دنیانین ان اوجوز اؤلکه‌سی‌دیر.

Axar.az خبر وئریر کی، بو باره‌ده اؤز بلوگون‌دا آز تانینان توریزم مکانلاری حاقیندا رپورتاژلار یازان لوورنس آدلی هلندلی سیاح بیلدیریب.

اونون سؤزلرینه گؤره، پیوه‌نین (آبجو) قیمتی اورتا حسابلا بیر یورو، یاخشی یاشاییش ایسه گئجه‌سی جمعی ۱۵ یورودور.

قیدالانما دا اولدوقجا اوجوز حساب اولونور: بیر نفرلیک یئمک ۱–۴ یورو آرالیغیندا دییشیر.

پایتخت داشکند معاصر گؤی‌ده‌لنلرله تاریخی مرکزین هارمونییاسینی بیرلشدیریر. شهرین مترو استانسییالاری ایسه چوخ واخت موزه‌لری خاطیرلادیر.

باشقا بیر سیاحت بلوگری میلیتسا ایسه بیلدیریب کی، ازبکستانا گلدیک‌ده ۸۰ یورو دییشدیره‌رک یئرلی والیوتادا "میلیون‌چویا» چئوریلدیینی حس ائدیب. اونون سؤزلرینه گؤره، تاکسی گئدیشی تخمیناً ۱ یورو، رستورانلاردا ناهار ایسه ۳–۴ یورو جیواریندادیر.

آشاغی قیمتلرین اساس سببلری کیمی آشاغی مینیموم امک حاقی و اؤلکه‌نین بیر چوخ محصول اوزره اؤزونو تامین ائتمه‌سی گؤستریلیر.

بونونلا بئله، اکسپرتلر قید ائدیرلر کی، ؤزبکستان دنیانین ان اوجوز اؤلکه‌سی دئییل — پاکستان، هندیستان، مصر، قیرغیزستان و تاجیکیستان عادتا داها آشاغی خرجلرله سئچیلیر.

عینی زامان‌دا، آسیا اؤلکه‌لری آراسیندا ازبکستان تهلوکه‌سیز استقامتلردن بیری ساییلیر. توریستلره سمرقند و بوخارا کیمی تاریخی شهرلری زیارت ائتمک توصیه اولونور، لاکین افغانیستانلا سرحد بؤلگه‌لره سفر ائدرکن احتیاط‌لی اولماق مصلحت گؤرولور.

بو اؤلکه آشاغی قیمتلر، زنگین تاریخ، معمارلیق و قوناقپرورلیکله توریستلر اوچون جلب‌ائدیجی استقامت کیمی قیمتلندیریلیر.