ایرانین بهاباد رایونونون صنایع مرکزلریندن بیرینده ۸ ایشچی کیفیت‌سیز و واختی کئچمیش قیدادان زهرلنیب.

Axar.az خبر وئریر کی، بو باره‌ده ایشچی حرکاتی فعاللاری معلومات یاییب.

معلوماتا گؤره، زهرلنن ایشچیلر خسته‌خانایا چاتدیریلیب، اونلاردان بیر نئچه‌سینین وضعیتینین آغیر اولدوغو بیلدیریلیب.

بونونلا یاناشی عسلوییه رایونونون "دماوند انرژی شیرکتی"نده باش وئرن ایش قضاسی نتیجه‌سینده بیر نفر حیاتینی ایتیریب، ۲ ایشچی ایسه آغیر یارالانیب.

قید ائدک کی، سون بیر ایل عرضینده ایران‌دا ایشله باغلی قضالاردا ان آزی ۵۰۱۹ ایشچی هلاک اولوب و یا یارالانیب. ایرانلی ایشچیلرین اکثریتی ایش تهلوکه‌سیزلییی و یا موافق سیغورتا تأمیناتی اولمایان شرایط‌ده ایشله‌ییر، مفتیش‌لرین اولماماسی و ضعیف تهلوکه‌سیزلیک اینفراستروکتورو پئشه قزالارینین قیده آلینماسی و قارشی‌سینین آلینماسیندا جدی چتینلیکلر یارادیر.