واشنگتن ایرانلا قارشی‌دورمانی یاخین زامان‌دا یا ایکیطرفلی راضیلاشما، یا دا داها سرت واسطه‌لرله یئکونلاشدیرماغی پلانلاشدیریر.

Axar.az خبر وئریر کی، بونو آمریکا پرزیدنتی دونالد ترامپ ویسکانسین اشتاتی‌نین چیپوا فالز شهرینده کند تصروفاتینا حصر اولونموش دییرمی ماسادا دئییب.

«بیز ائله بیر مرحله‌یه چاتمیشیق کی، ایران‌دان چوخ قیسا مدت‌ده چیخمالی اولاجاغیق و بو، قطعیتلی آددیم اولاجاق. بو، ایستر کاغیذ اوزرینده امضالاناجاق سازیشله، ایسترسه ده داها سرت اصوللارلا باش وئره‌جک»، - ترامپ وورغولاییب.

آمریکا لیدری قید ائدیب کی، پروسس آرتیق یئکون مرحله‌یه یاخینلاشیب:

«بو مسئله ایله دئمک اولار کی، آرتیق ایشی بیتیرمیشیک. گؤرجکسینیز کی، هر شئی یا سند امضالانماسی ایله، یا دا داها مرکب اصوللا باشا چاتاجاق. باخمایاراق کی، سازیش یولو اصلینده داها ساده واریانت‌دیر».

قید ائدک کی، ترامپ داها اول قارشی‌دورمانین یا دیپلوماتیک راضیلاشما، یا دا حربی یوللا الده اولوناجاغینی آچیقلامیشدی.