آلمان‌دا اوچان نامعلوم اوبیئکتلرله (اونو) باغلی خبرلرده رکورد آرتیم مشاهده اولونوب.

Axar.az خبر وئریر کی، بونو غیری-عادی سما حادثه‌لری اوزره مرکزی آراشدیرما شبکه‌سینین دیرکتورو هانسیورگئن کلر دئییب.

«گونده اوچ-آلتی معلومات آلیریق. مبالغه‌سیز دئیه بیلریک کی، اونو-لار باره‌ده معلومات آلان ان ایشلک خدمتیک»، - کلر بیلدیریب.

اونون سؤزلرینه گؤره، شبکه طرفین‌دن آلمان ایله باغلی آراشدیریلان اونو حاللارینین عمومی سایی ۱۴ مینه چاتیب:

«اکثر حاللاردا ساکینلر یئر کره‌سینده‌کی آوادانلیقلاری و یا طبیعی حادثه‌لری یادپلانتلی کوسمیک گمیلرله سهو سالیرلار. ان چوخ پانیکا منبع‌لری طیاره‌لر، پیکلر، مئتئورلار و کومرسییا ایله‌نجه پروگراملارینداکی لیزر شعالاری‌دیر».