بؤیوک بریتانیا بیر سیرا آفریکا و یاخین شرق اؤلکه‌لرینه بیرباشا ایکیطرف‌لی مالیه یاردیمینی ۴۰ فایزدن چوخ آزالتماق قرارینا گلیب.

Axar.az خبر وئریر کی، بو باره‌ده «فینانسال تایمز» معلومات یاییب.

بریتانیانین خارجی ایشلر ناظری ایوت کوپر پارلامنت‌ده چیخیشی زمانی بیلدیریب کی، اوکراینا، غزه زولاغی، سودان و لیوانا مالیه‌لشدیرمه تام حجم‌ده ساخلانیلاجاق.

یمن، سومالی و افغانستان بریتانیانین خارجی یاردیم سیاستینده پریوریتت استقامتلر اولاراق قالاجاق. لاکین بو اؤلکه‌لره بیرباشا قرانت مالیه‌لشدیریلمه‌سی آزالدیلاجاق. ان جدی مالیه کسینتی‌سینین ایسه پاکستان و موزامبیکه تطبیق ائدیلجیی گؤزلنیلیر.

لوندون قراری رسورسلارین حکومتین داها چوخ دسته‌یه احتیاجی اولدوغونو دوشوندویو رگیونلارا و اهالی گروپلارینا یؤنلدیلمه‌سی ایله ایضاح ائدیر.

کوپر وورغولاییب کی، بریتانیا بؤیوک بین‌الخالق دونور رولوندان امتنا ائتمیر و دنیانین بئشینجی ان بؤیوک دونورو اولاراق قالاجاغی گؤزلنیلیر.

بونونلا یاناشی، لوندون عنعنوی یاردیم مدلیندن تدریجاً امتنا ائد‌رک طرفداشلیق و اؤزل اینوستسیالارین جلب ائدیلمه‌سینه اوستونلوک وئرمک نیتین‌ده‌دیر. یئنی پریوریتتلر سیراسیندا دایانیقلیغینی ایتیرمک تهلوکه‌سی ایله اوزلشن دولتلره دستک، قادین قتللری ایله مبارزه و ایقلیم دییشیکلیینین نتیجه‌لرینه قارشی تدبیرلر ده یئر آلیر.