سعودیه عربستانی، تورکییه و پاکستانین بیرگه مدافعه حاقیندا امضالادیغی "مکه سازشی" یونانستان‌دا تشویشه سبب اولوب.

Axar.az خبر وئریر کی، بو باره‌ده تورکییه مئدیاسی معلومات یاییب.

یونانستانین «کافیمرینی» قزئتین‌ده گئدن مقاله‌ده سؤزوگئدن سازشین آفینا اوچون یاخین شرق‌ده تهلوکه‌سیزلیک آرخیتکتوراسینین فوندامنتال پرینسیپلرینین دییشدیینی گؤستردیی وورغولانیب.

نشر یازیر کی، آفینانین اساس ناراحاتلیغی تورکییه‌نین موقعینی گوجلندیرجیی و مصرین ده راضیلاشمایا قوشولا بیلجیی ایله باغلی‌دیر.

قید اولونوب کی، بو راضیلاشما بیردن-بیره اورتایا چیخماییب:

«بو، آنکارانین بؤلگه‌ده آتدیغی دیپلماتیک آددیملارین نتیجه‌سیدیر. بونونلا دا تورکیه مدافعه صنایع‌سینده سعودیه عربستانی ایله بیرگه استحصالا باشلایا بیلر».

مقاله‌ده بیلدیریلیب کی، مقاوله‌نین یونانستان اوچون منفی جهتلریندن بیری هیندیستان-یاخین شرق-آوروپا اقتصادی دهلیزی (ایمج) ایله باغلی پلانلارین لغوی اولا بیلر.