اوکراینادا محاربه شرطی اولاراق «قارا قو قوشو»، یعنی روسیانین داخلن‌ده باش وئره بیله‌جک گؤزلنیلمز بحران سببیندن قفیل باشا چاتا بیلر.

Axar.az خبر وئریر کی، بو فکری «ناسپراودی»یه مصاحبه‌سین‌ده اوکراینا سلاحلی قوه‌لرینین ایننوواتیو فعالیت اوزره مرکزی اداره‌سینین ظابطی، حربچی، صاحبکار و بانکیر آندری اونیسترات دئییب.

اونیسترات بیلدیریب کی، محاربه‌نین یاخین بیر ایل عرضینده باشا چاتاجاغینا چوخ آز اینانیر:

«هرچند حاضردا محاربه‌نین باشا چاتماسی اوچون، مثلاً، بیر ایل اولکیندن داها چوخ زمین وار».

اونیستراتین فکرینجه، حاضردا بیز «قارا قو قوشو دورونده» یاشاییریق. یعنی گؤزلنیلمز بیر حادثه سببیندن وضعیت حاضردا کؤک‌لو شکیل‌ده دییشه بیلر. بو کونتکست‌ده حربچی ۲۰۲۳-جو ایلین ایونوندا یوگئنی پریگوژینین و اونون «واگنر» گروپونون قیامینی خاطرلادیب:

«ایندی من حساب ائدیره‌م کی، یئنی‌دن هانسی‌سا «قارا قو قوشو» باش وئره بیلر. بو، ف.ت.خ داخلین‌ده هانسی‌سا چئوریلیش اولا بیلر. بو، هر هانسی داخلی چئوریلیش و یا باشقا بیر حادثه ده اولا بیلر. بونو پروگنوزلاشدیرماق چتیندیر. ائله بونا گؤره ده او، «قارا قو قوشودور» – چونکی هئچ کیم بونون نه اولاجاغینی بیلمیر».