اوکراینانین بیرینجی خانمی یلنا زلنسکایا اری ولادیمیر زلنسکییه تأثیر گؤستریر و کادر قرارلاری ایله باغلی "قیزیل وتو" حقوقونا مالک‌دیر.

Axar.az خبر وئریر کی، بو باره‌ده «ر.ب.ک اوکراینا» منبع‌لره استنادلا معلومات یاییب.

نشر قید ائدیر کی، زلنسکایا سیاستده آچیق شکیلده اشتراک ائتمیر، لاکین بیر سیرا وظیفه‌لی شخصلرین کاریراسینا تأثیر گؤستره بیلیر. خصوصیله، اوکسن لیسووویون اوزون مدت تحصیل و علم ناظری وظیفه‌سینده چالیشماسینی اونون دستیی ایله علاقه‌لندیریرلر.

بوندان باشقا، منبع‌لر کی‌یوین دارنیتسکی رایون آدمینیستراسییاسینین رهبریندن کی‌یو رگیونال حربی آدمینیستراسییاسینین رهبری وظیفه‌سینه یوکسه‌له‌ن و داها سونرا یئنی‌دنقورما، اینفراستروکتور و نقلیات ناظری وظیفه‌سینی توتان نیکولای کالاشنیکی نمونه گؤستریبلر.

«بیرینجی خانمین هر هانسی بیر تشببوسو نه قدر ایر‌لی سوره بیلجیینی بیلمیرم، اما او، شبهه‌سیز کی، بیر انسانی و یا بیر ایدئیانی بلوکلایا بیلر. اونون، بئله دئسک، "قیزیل وتو"سو وار»، - منبع‌لردن بیری نشره آچیقلاماسیندا دئییب.

دیگر منبع ده قید ائدیب کی، یلنا زلنسکایا اؤز اویونلارینی اوینامیر، عکسینه پرزیدنتی بالانسلاشدیریر.