اوکراینا مدافعه ناظرلیینین باش کشفیات اداره‌سی (گور) روسیا ایله محاربه‌نین بو ایلین سونونا قدر باشا چاتاجاغینا دایر هئچ بیر اساس گؤرمور.

Axar.az خبر وئریر کی، بو باره‌ده گور رهبرینین معاونی، گنرال-مایور وادیم سکیبیتسکی «ر.ب.ک-اوکراینا»یا مصاحبه‌سین‌ده دانیشیب.

اونون سؤزلرینه گؤره، جبهه‌ده روسیانین آتشی دایاندیرماغا و رئال صلح دانیشیقلارینا باشلاماغا حاضر اولدوغونو گؤستره‌ن هئچ بیر علامت یوخدور.
سکیبیتسکی بیلدیریب کی، روسیا رهبرلییی قارشییا قویدوغو مقصدلردن، خصوصیله دونتسک و لوگانسک ویلایتلرینه نظارتی اله کئچیرمک پلانیندان امتنا ائتمه‌ییب. گور-اون معلوماتینا گؤره، روسیا باش قرارگاهی دونئتسک ویلایتینین اشغالینی بو ایلین سونونا قدر باشا چاتدیرماغی پلانلاشدیریر.
«اونلارین پلانلاری بئله‌دیر و اونلارین دئدیکلری ده بودور: بو ایلین سونونا قدر هئچ بیر راضیلاشما و صلح سازشینین امضالانماسی اولمایاجاق»، - سکیبیتسکی وورغولاییب.

بئله‌لیکله، اوکراینا کشفیاتینین قیمتلندیرمه‌سینه اساساً، مسکوانین حاضرکی موقعی ایلین سونونادک صلح سازشینین الده اولونماسی پرسپکتیوینی اولدوقجا آشاغی سالیر.