تورکییه‌نین آدانا پلیس اداره‌سینین ترورلا مبارزه شعبه‌سینین امکداشلاری «فرقان» وقفینه (کویتولچولار گروپلاشماسی) قارشی عملیات کئچیریب.

Axar.az خبر وئریر کی، بو باره‌ده تورکییه داخلی ایشلر ناظری آکین گورلئک معلومات وئریب.

معلوماتا گؤره، عملیات زمانی وقفین صدری آلپارسلان کویتول و حیات یولداشی سمرا کویتول دا داخیل اولماقلا، چوخ‌لو سای‌دا شخص ساخلانیلیب.

«آدانا باش پروکورورلوغو و آدانا ویلایت پلیس ایداره‌سینین بیرگه کئچیردیی عملیات‌دا اجتماعیت آراسیندا «کویتولچولار» کیمی تانینان تشکیلاتین جنایت حساب ائدیله‌ن فعالیتلری و بو فعالیتلردن الده ائدیله‌ن گلیرلر آراشدیریلیب.

شیکایت‌چیلرین و شاهیدلرین ایفاده‌لری، مالیه تحلیللری، بانک عملیاتلاری، رقمسال ماتئریاللار و دیگر ثبوتلار اساسین‌دا ۳۲ شبهه‌لییه قارشی جنایتکار تشکیلات یاراتماق و اداره ائتمک، جنایتکار تشکیلاتا عضو اولماق، جنایت یولو ایله الده ائدیلمیش آکتیولرین یویولماسی، فیریلداق‌چیلیق، رسمی سندلرین ساختالاشدیریلماسی و وئرگی پروسدورو قانونونون پوزولماسی جنایتلری ایله باغلی محکمه پروسسی باشلانیب»، - ناظر بیلدیریب.