ارمنستان پارلامنتینین مخالفت‌چی میلت وکیلی ایشخان ساقاتلیان اؤلکه‌سینده «دؤردونجو رسپوبلیکا» آدلاندیردیغی سیاسی مدلین فورمالاشدیریلماسی ایله باغلی تورکیه و آذربایجان حاقین‌دا ادعا سسلندیریب.

Axar.az خبر وئریر کی، بو باره‌ده «نیوز .آم» معلومات یاییب.

ساقاتلییان پارلامنت‌ده چیخیشی زمانی بیلدیریب کی، ارمنستان حاکمیتینین ایر‌لی سوردویو «رئال ارمنستان» کونسپسیاسی اؤلکه‌نین ملی ماراقلاریندان اوزاقلاشمانی نظرده توتور.

مخالفت‌چی میلت وکیل ادعا ائدیب کی، «دؤردونجو ارمنستان رسپوبلیکاسی»نین فورمالاشدیریلماسیندا تورکیه «معمار»، آذربایجان ایسه «کونستروکتور» رولوندادیر. او، آوروپا اؤلکه‌لرینین ایسه بو لایحه‌نین «دیزاین مسئله‌لری» ایله مشغول اولدوغونو ایر‌لی سوروب.

ساقاتلییانین سؤزلرینه گؤره، حاکم «وطنداش مقاوله‌سی» پارتیاسی بو پروسس‌ده یالنیز سؤزوگئدن ایدئیانی جمعیته تقدیم ائد‌ن سیاسی قوه‌دیر.
او، حاکمیتی تورکیه‌نین گؤستریشلرینی یئرینه یئتیرمه‌مه‌یه چاغیریب.