اوکراینانین روسیا اراضی‌سینه اوزاق منزیل‌لی ضربه‌لری اؤلکه اقتصادیاتینا و گونده‌لیک حیاتینا گئتدیکجه داها چوخ تأثیر گؤستریر، لاکین هله‌لیک محاربه‌یه دستیین نظره‌چارپاجاق درجه‌ده آزالماسینا سبب اولماییب. اوسته‌لیک، بو جور تاکتیکالار روسلاری اؤلکه‌نین اکزیستنسیال تهلوکه ایله اوزلشدیینه ایناندیرماقلا کرملین موقعینی گوجلندیره بیلر.

Axar.az خبر وئریر کی، بو باره‌ده بریتانیالی کؤشه یازاری اووئن متیوس «ایسپکتاتور آوسترالیا» اوچون یازدیغی مقاله‌ده قید ائدیر.

مؤلف اوکراینانین روسیایا قارشی داوام ائد‌ن درین ضربه‌لر کامپانیاسینی، او جمله‌دن نفت اعمالی زاوودلارینا، «ویلدبرریس» آنبارلارینا و دنیز یولو ایله نفت اخراجینا هجوملارینی سادالاییب.

متیوسون سؤزلرینه گؤره، کی‌یو روسیادا محاربه علیه‌ینه احوال-روحییه‌نین آرتماسی گؤزلییردی، لاکین بو باش وئرمه‌دی.
کؤشه یازاری کرملینین سورغو مرکزی اولان فوم-اون معلوماتلارینا استناد ائدیر و ادعا ائدیر کی، محاربه‌یه عمومی دستک ۷۲%-دن چوخدور.