اسرائیل تورکیه ایله محاربویه چوخ یاخینلاشدی، اما بونو ترامپ داخل اولماقلا هیچ کیم گؤرمه‌دی.

Axar.az خبر وئریر کی، بونو آمریکانین تورکیه‌ده‌کی سفیری تام باراک دئییب.

او بیلدیردی کی، بؤلگه‌ده‌کی ان بؤیوک خطر اسرائیلین نیتلری دئییل، تورکیه‌نین اسرائیلین قفیل حرکتلرینه نجه عکس‌العمل وره‌جگی‌دیر.
اسرائیلین بومبالادیغی «ابوالضهور» آویابازاسینین تورکیه سرحددلرینه یاخین اولدوغونو خاطرلادان سفیر قید ائدیب کی، آنکارا اونسوز دا تمکین نمایش ائتدیریردی:
«لیکن حربچیلرین یاخینلاشان طیاره‌لری گؤروب اونلارین مقصد و نیتلرینی بیلمه‌دیکده تمکین چتینلشیر. بونونلا تورکیه طیاره‌لرینی هوایا قالدیرمالی اولاجاقلارینی دئییر. بؤلگه‌سل محاربه‌لر، هیچ کیم پلانلاشدیرماسا بئله، بئله باشلایا بیلر».

سفیرین سؤزلرینه گؤره، اسرائیل تورکیه‌نین حربی اکتیولرینی سؤزوگئدن آویابازایا کؤچوره بیله‌جگی باره‌ده کشفیات معلوماتی آلیب:
«واشینگتن بونو یوخلاییب و بونون بئله اولمادیغینی تصدیق ائدیب. بونا باخمایاراق، اسرائیل نه واشینگتنا، نه ده تورکیه‌یه خبر وئرمه‌دن حربی بازایا ضربه ائندیریب. محض بو مقامدا مسئله اسرائیل-سوریه حمله‌سیندن چیخیب و داها تهلوکه‌لی بیر وضعیت آلماغا باشلاییب».

قید ائدک کی، بیر مدت اول اسرائیل حربی هوا قوتلری سوریانین ادلب ایالتینین شرق حصه‌سینده‌کی "ابوالضهور" حربی آویابازاسینین اوچوش-ائنیش زولاغینا ۸ ضربه ائندیریب.