ارمنستانین آوروپا اتفاقینا (آی) عضولوک یولونو سئچجیی تقدیرده روسیا و آوراسیا اقتصادی اتفاقی (آیی) ایله علاقه‌لرین کسیلمه‌سینین اؤلکه‌یه جدی اقتصادی و سیاسی ایتکیلر گتیره بیلجیی بیلدیریلیب.

Axar.az خبر وئریر کی، بونو روسیا سناتورو سرگئی پرمینوو "ریا نوووستی"یه آچیقلاماسین‌دا دئییب.

اونون سؤزلرینه گؤره، ارمنستان اوچون آوروپا اتفاقینا عضولوک پروسسی اون ایل‌لیکلر داوام ائده بیله‌جک غیری-معین مارافوندور. بونونلا یاناشی، مسکوا و آوراسیا اقتصادی اتفاقی ایله مناسبتلرین پوزولماسینین اقتصادی و سیاسی نتیجه‌لری اؤلکه طرفیندن داها تئز حس اولونا بیلر.

پرمینوو ارمنستانین هم روسیا، هم ده غربله پارالل مناسبتلر ساخلاماق جهدینی ده تنقید ائدیب: «ایکی ایستول‌دا اوتورماغا جهد همیشه فلاکتلی سونلوقلا نتیجه‌لنیر».

سناتور ارمنستانین باش ناظری نیکول پاشینیانین آوروپا اتفاقینا عضولوک مراجعتی ایله باغلی آچیقلاماسینی اؤلکه‌نین غربه دوغرو رسمی و احتمال کی، گئری دؤنمز استقامت دییشیک‌لییی کیمی قیمتلندیریب.

قید ائدک کی، روسیا پرزیدنتی ولادیمیر پوتین ده ارمنستانین آوروپا اتفاقینا عضولوک ایستیینین مسکوا طرفیندن خصوصی نظردن کئچیریلمه‌لی اولدوغونو بیلدیرمیشدی.