افسانوی فوتبولچو دیه‌گو مارادونانین ۱۹۸۶-جی ایل دنیا چمپیوناتیندا الی ایله قول ووردوغو توپ حراج‌دا ۳،۳ میلیون دلارا ساتیلیب.

Axar.az خبر وئریر کی، بو باره‌ده بی.بی.سی معلومات یاییب.

معلوماتا گؤره، حراج آمریکادا «ارث حراجلاری» («هریتاگ آوکستیونس») طرفیندن حیاتا کئچیریلیب.

تشکیلات‌چیلار توپون او قیمته ساتیلماسیندان ناراضی اولوبلار. اونون ان آزی ۱۰ میلیون دلارا ساتیلماسی گؤزلنیلیردی.

قید ائدک کی، ۱۹۸۶-جی ایل دنیا چمپیوناتین ¼ مرحله‌سین‌ده دیه‌گو مارادونا هاوا ایله ائدیلن اؤتورمه‌نی ال‌له قاپییا داخل ائتمیش، حاکم ده قولو حسابا آلمیشدی. نتیجه‌ده آرگنتینا اینگیلتره‌نی ۲-۱ حسابی ایله مغلوب ائد‌رک، یاریم فینالا وثیقه قازانمیشدی.

همین حادثه‌دن سونرا مارادونا قولون «تانرینین الی» ایله وورولدوغونو بیلدیرمیشدی.