ایتالیا فرانسا پرزیدنتی امانوئل ماکرونون تشببوسو ایله ۲۰۲۶-جی ایلین پاییزیندا کئچیریلمه‌سی پلانلاشدیریلان «کؤنول‌لولر کوالیییاسی»نین بیرگه حربی تعلیملرینده اشتراک ائتمه‌یه‌جک.

Axar.az خبر وئریر کی، بو باره‌ده "لا رپوبلیکا" نشری ایتالیا حکومتینده‌کی منبع‌لره استنادا معلومات یاییب.

بیلدیریلیب کی، رومانین قراری باش ناظر جورجیا ملونی حکومتینین اولکی موقعینه اویغوندور. ایتالیا حاکمیتی اؤز حربچیلرینین اوکراینایا گؤندریلمه‌سینه قارشی چیخماقدا داوام ائدیر.

معلوماتا گؤره، ماکرون «کؤنول‌لولر کوالی‌سیاسی»نا داخل اولان اؤلکه‌لرین لیدرلرینین ویدئوکنفرانسی زمانی ۲۰۲۶-جی ایلین اوکتیابر-نیابر آیلاریندا بیرگه تعلیملر کئچیریلمه‌سی پلانینی آچیقلاییب. مذاکره‌لرده اوکراینا نماینده‌لری ده اشتراک ائدیب.

نشرین منبع‌لرینین سؤزلرینه گؤره، ایتالیا بو تشببوسه قوشولماق نیتینده دئییل. رومانین ممکن حربی کونتینگنتین اوکراینادا یئرلشدیریلمه‌سی ایله باغلی موقعی دییشمه‌ییب.