یونانیستانین آندروس آداسی یاخینلیغیندا دالغیجلار تخمیناً ۲۴۰۰ ایل اول باتمیش تجارت گمیسینی آشکارلاییبلار.

Axar.az خبر وئریر کی، دنیزین دیبینده گمینین بؤیوک یوکو ده قورونوب ساخلانیلیب. آرخئولوقلار بورادا تخمیناً ۶۰۰–۶۵۰ قدیم آمفورا معین ائدیبلر.

گمی تخمیناً ۴۰ متر درینلیکده تاپیلیب. تاپینتیلار آراسیندا ان آزی اوچ نوع آمفورا وار. بو قابلار قدیم دؤورده شراب، یاغ، تاخیل و دیگر محصوللارین داشینماسی اوچون استفاده اولونوردو. آرخئولوقلار همچنین قورغوشوندان حاضرلانمیش لؤوبرین بیر حصه‌سینی ده آشکار ائدیبلر.

بیر نئچه قاب آرتیق تدقیق اولونماق اوچون سویون اوزرینه چیخاریلیب. عالملر گمینین هانسی یوکو داشیدیغینی و هارادان یولا دوشدویونو معین ائتمه‌یه چالیشیرلار.

متخصصلرین فکرینجه، بو تاپینتی ایکی مین ایلدن چوخ اول آرالیق دنیزینده موجود اولموش تجارت مارشروتلاری حاقیندا مهم معلوماتلار وئره بیلر.